WILLIAMNAGAR: East Garo Hills, Krishi Vigyan Kendra (KVK), Indian Council of Agricultural Research-Central Potato Research Institute (ICAR-CPRI), Research Station-Shilllong baksa bakrime salgnina November 22 aro 23 tariko Scientific cultivation-ni bidingo Rongjeng aro KVK Eat Garo Hills training hall-o training programko ong·ataha. Jeon Rongjeng, Songsak aro Samanda Block-oni sak 80 game cha·giparang bakko ra·aha.
KVK East Garo Hills-ni Sr. Scientist; Head ba dilgipa Dr SM Hussain, programo bakko ra·e aganprakmitingo jolni manderangko dingtang dingtang rokomni alurangko ge·china didiangaha. Maina district-o bang·a manderangan alu ge·toka, uko scientific cholrangchi namdapatna man·gen ine aganaha.
ICAR-CPRI, RS, Shillong-ni Scientiest Dr Tvibbe Angel Lyngdoh, ‘Breeding for Improved potato varieties for the North Eastern Hill (NEH) Region of India’-ni bidingo aganprakangaha. KVK Garo Hills-ni Horticulture Scientist Dr. Trudy T. A. Sangma, “Improved package of practices in potato cultivation”-ni bidingo aganangksaha. Aluko ge·a gamaniara rocket science-ni kam gita ong·ja indiba namgipa aluko man·a gita scientific-ni gita simsakaniko nanga, jekai bitchilna simsaka, namgipa biapo ge·a, nutrient-ko on·na nanga ba uandakgiparangko ja·rikna nanga. Indake East Garo Hills, Horticulture Development Officer A.A Sangma, “Pest & Disease management in potato production”-ni bidingo aganskaha. Aro game cha·giparangko ge·a-gamanio chemical-ko jakkaljachina beng·aha.
