Monday, June 30, 2025
spot_img

Congress-ona re·angpilna skani dongja: Ampareen

Date:

Share post:

spot_imgspot_img

SHILLONG: Congress dolko wate katgipa mitam dilgiparangde Congress dolona re·angpilna miksonganirang dongenga ine jangbingbanganirangko knasona man·engon, National People’s Party (NPP)-ni dilgipa aro a·dokni Cabinet Minister Ampareen Lyngdoh, Congress dolona re·angpilna skani dongjaha ine parakatskaaha.

Una skang, Trinamool Congress (TMC)-ni dilgipa Mukul Sangma baksana NPP-ni dilgipa aro a·dokni Deputy Chief Minister Saniawbhalang Dhar-ba Congress dolona re·angpilna miksonganirang donga ine jangbingbanganirangko raken jegalatahachim.

Adita salrangna skangsan dingtang dingtang political party-rangoni sak 500-mangni gita manderang, Congress dolo napangtokaha ine koborrangko on·ahachim.

Iandake jangbingbangani aro chanchichipanirangko jegalatengon, “Congress dolona re·angpilani bidingo da·o dipet anga darangmingba golpona skaniba dongja. Da·o dipet anga NPP baksa ong·enga aro anga an·tangni bil ama gitan NPP-na dangdike on·angkugen,” ine Lyngdoh aganaha.

Lok Sabha-ni gitcham MP aro an·tangni pagipa PG Marbaniang-ni gimin janapatskaengon, “Ua somoirango nangani kri angni pagipani janggi tanganio bang·en dingtanganirangko nikna nangahachim,” ine Ampareen Lyngdoh aganaha.

“Je political party baksa ong·genchimoba chinga pangnan an·tangtangko on·kangrongachim,” ineba ua aganaha.

2023 bilsini Assembly election-na skang, NPP-chi dilenggipa MDA-I sorkarina chakpaaniko on·na tik ka·ahani gimin Congress dolni MLA sakbongako ra·galahachim aro ia MLA sakbongaoni Ampareen Lyngdoh-ba saksa ong·paachim.

spot_imgspot_img

Related articles

1st phase of India’s Deep Ocean Mission on track for sea trials in early 2026: Minister

New Delhi, June 30:  Union Minister Dr Jitendra Singh on Monday said the first phase of India’s Deep...

SMB begins eviction drive against street hawkers at Khyndailad sans COV

Shillong, June 30: The staff of the Shillong Municipal Board (SMB), along with officials from the district administration...

Even my daughter is not safe in Bengal: NCW’s Archana Majumdar on Kolkata law college gangrape

New Delhi, June 30: National Commission for Women (NCW) member Archana Majumdar on Monday condemned the deteriorating law...

Indian Army Chief General Upendra Dwivedi begins 4-day Bhutan visit

New Delhi, June 30: Looking to enhancing defence cooperation, Chief of the Army Staff General Upendra Dwivedi, on...