SHILLONG: Umroi constituency-ni gitcham MLA George B Lyngdoh, Trinamool Congress (TMC)-oni ong·katenba, gital dolko bikotskaaha.
Koborko on·ani gitade, Umroi-ni gitcham MLA, TMC-ni bang·a membor-rang baksa party-ko watenba, da·o District Council election-na skang Umroi Constituency Progressive Forum (UCPF) minggipa dolko bikotskaaha.
Ia UCPF-ni president-na Pynskhemlang Sohtun-ko songaha aro ia party-ko bikotani mongsonggipa miksonganiara Umroi constituency-ni manderangna dangdike on·anian ong·enga ine u·iataha.
Umroi constituency-ni gitcham MLA George B Lyngdoh, Congress dolko wate TMC-o napangani ja·man 2023 bilsini Assembly election-o amako man·ahachim.
Ia gital dolko songani bidingo kobor ra·timgiparangna u·iatengon, an·tangna kam ka·enggipa aro chakpaenggipa manderang baksa apsan chanchirimani ja·man ua TMC-oni ong·kate ia gital dolko songna tik ka·aha ine Lyngdoh parakataha.
Re·baenggipa bilsio ong·atna sienggipa district council election-o susana gita uamang candidate-rangko tik ka·na bakan ia party-ni election committee-ko songgen ineba Lyngdoh parakataha.
