AMPATI: Mongolbar salo, South West Garo Hills a·jani chatro chatrirangna District Level Science, Mathematics aro Environment Exhibition-ko District School Education Office (DSEO)-ni gita Ampati-ni Multi Facility Centre-o ong·atangaha aro ia exhibition-ko ong·atanio, Ampati Government Higher Secondary School-ni Principal In-charge Chinky G Momin, mongsonggipa sokgipa ong·e bak ra·angaha.
Ia exhibition-o South West Garo Hills a·ja gimikoni damchet skulrang bak ra·angtokaha aro ia exhibition-ko School Education Officer T Ch Marak dilangaha.
Ia District Level Science, Mathematics aro Environment Exhibition-o skanggipa boksisko Ampati Government HS School-ni Class IX-o poraienggipa Nogrim G Momin cheaha, gnigipako Harishanti Niketan Vidyalaya-ni Class VIII-o poraienggipa Tanbeer Mehtab cheaha aro gittamgipa boksis St Claret HS School-ni Class VIII-o poraienggipa Riddhima Hajong cheangskaaha.
Ia District Level Science Exhibition-o chegipa chatro chatrirang, Meghalaya a·dok gimikni Shillong songjinmao ong·atna sienggipa State Level Science Exhibition-o South West Garo Hills a·jani pal bak ra·angskagnok.
SWGH-o District Level Science, Maths aro Environment Exhibition-ko ong·ata
Date:
Share post:
