Gambegre-o sakgniko mongma doke siata

TURA: Gambegre outpost-ni ning·o ga·akgipa Dangsapara, Dopgre songo sakgni manderangko mongma doke siataha, aro sakgni gipinrang saknaa man·aha.
Sianggiparangara-  bilsi 62 ong·gipa Ajit Sangma aro bilsi 55 ong·gipa Walmi Ch Marak ong·achim.
Koborni gita, jakgni mongmarang rorame dongako Forest department nikaha. December 12 tariko ia obosta ong·aha.
Minggipin a·selo West Garo Hills-ni Rongram outpost-ni police personnel, East Garo Hills Rongsak sepangoniko cha·ugipa saksa Togan Sangma-ko rim·aha. Adita salrang skangsan Togan Sangma, Rongsak sepang joloniko cha·uaha indiba uko December 12 tariko rim·aha. Rim·a ja·man uko EGH police-na sing·sandiangkuna pakwataha.