Friday, July 11, 2025
spot_img

Williamnagar-o Simsang Festival-ko a·bachengata

Date:

Share post:

spot_imgspot_img

North-o A·we Festival 2024-ko ong·aenga

WIILIAMNAGAR/RESUBELPARA: Meghalaya-ni Soil and Water Conservation, PHE,
Housing-ni minister Marcuise N Marak, Sukrobar salo Williamnagar District Sports Association (WDSA) stadium-o Deputy Commissioner Vibhor Aggarwal, Superintendent of Police Stephen A Rynjah aro gipin official-rangni dongpaanio salgnina ong·atenggipa Simsang Festival 2024-ko a·bachengate on·aha.
Festival-ko oprakate ong·mitingo Minister Marcuise, Meghalaya sorkarini Garo Hills-ni tourism-ko namdapatna kam ka·aniko parakatengon, Daribokgre aro Mandalgre-ko janape, ia biaprango tourism-ko namdapatna ja·ku de·enga ine aganaha.
Festival-o flower show, git ring·ani aro chrokanio susaanirang, song·a channani, traditional aro jatni ja·rikbaenggipa kal·susaani, cha·ani competition, fancy dress ba uandakgipa susaanirang donggen. Indake ong·engon festival-ko a·bachengate on·mitingo East Garo Hills-ni DC Vibhor Aggarwal aro Crossnil D Sangma, uamangba aganprakangaha.
A·we Festival 2024-ko a·bachenga
North Garo Hills district Resubelpara-o A·we Festival 2024-ko Sukrobar saloni a·bachengataha. Festival-o district-ni dingtangmanchagipa daka-rika bewalrangko December 13 aro 14 tariko mesokanggen.
Deputy Speaker aro Resubelpara-ni MLA Timothy D Shira, chief guest ong·e ba mongsonggipa sokachakgipa ong·e bakko ra·mitingo North Garo Hills-ni District Administration-ko iandakgipa namgipa festival-ko ong·atanina de·mittelaha.
Maiba neng·nikarangchi festival-ko batanggimin bilsi brina ong·atna man·jahachim, indake ia bilsi a·bachengtaiaha, ian district-ni manderangna uamangni changa-sapanirangko mesokatna namgipa chol ong·a, jolni business ba bading-chiwalanirangko namdapatna aro jolni economic-ko ra·dona man·gen.
Indake Speaker Timothy D Shira, re·baenggipa bilsirango A·we Festival-ko nambate dakangna district-ni MLA-rang baksa melie tangkarangko on·gilna aganaha.
Mendipathar-ni MLA Marthon J Sangma, jinma manderangna parakatengon, festival-o bak ra·na cholko man·anina kusi ong·ako parakate District Administration-ko festival-o bak ra·china okamatanina mittelaha.
District Level-o ong·atgipa Winter Festival aro A·we festival – iarang event ba program-mangmangsan ong·aiija indiba ian an·ching A·chikrangni daka-rika bewalrangko mesokatna, jolo man·gipa bosturangko palna aro socio economic -ko bariatna namgipa chol ong·a ine Marthon Sangma aganaha.
North Garo Hills-ni Deputy Commissioner AK Singh, rimchaksoani kattarangko aganprakataon, A·we Festival-ko ong·atani miksonganirangko talate on·angaha.
Niatgenchimode iandakgipa Festival-ko gipin gipin district-rangoba dingtang dingtang bimingrangko done ong·ata. North Garo Hills district-o A·we Festival, Garo jatrangoni dolsa sub tribe ba jatni mande ra·e rimchaksoani bewalko cha·ani-ringani, music aro chrokanina ka·saaniko mesoka.
Festival-ko a·bachengate on·a ja·man Timothy D Shira, Medical, agri-horti departments, fisheries, DCIC aro dingtang dingtang department-rangni dongipa stall exhibition-ko parakate on·aha.
Health ATM-koba a·bachengate on·aha, ian rang·san body vitals screening ba test ka·gipa ong·a.
A·we festival-o Flowers aro Vegetables show, Indigenous games, cooking competition, singing competition, dance competition, beauty contest, baby show aro rock concert ba uandakgiparang donggen.

salantini janera

spot_imgspot_img

Related articles

Assam Governor assesses Karbi Anglong law and order situation

GUWAHATI, July 11: Assam Governor Lakshman Prasad Acharya on Friday chaired a review meeting with security agencies at Taralangso...

Sitharaman holds discussion with Meghalaya Governor on state’s issues

  Shillong, July 11: The Union Minister of Finance and Corporate Affairs, Nirmala Sitharaman, paid a visit to Raj...

92 Meghalaya border villages under Vibrant Village Programme

Shillong, July 11: Union Finance Minister Nirmala Sitharaman on Friday announced that 92 border villages in Meghalaya have...

22 Maoists, including eight females, surrender in Chhattisgarh

Raipur, July 11: In a significant development in Chhattisgarh's Narayanpur district, 22 Maoists laid down their arms on...