Boko: Robibar attamo Assam Kamrup district-ni Boko Police Station-ni ning·ogipa Paneri songo, rama a·sel ong·anio rasong gribee A·chik sakgni so·otako man·aha.
Ia a·sel ong·anio Therang Sangma aro Ishak Sangma mang mamasa rama a·selo so·otako man·aha.
Police-ni koborko man·soani gitade, uamang sakgnian Meghalaya North Garo Hills Mendipathar-oni ong·achim, indake uamangni rengrengsilrangko tariatenba noktangchi re·pilangmiting somoio trak gari bolsa (WB 59 D 1465) uamangko salpakaha aro uamang a·sel ong·gipa biapon sikamaha.
Koboro gita, uamang sakgnian Chaygaon Industrial Growth Centre-ni ning·ogipa ge·sa karkanao kamrangkoba ka·tokengachim.
Boko Police, a·sel ong·gipa biapona sokangenba uamangni manggisirangko ra·eaha aro da·alni bako post mortem ka·na gita Guwahati Medical College Hospital-ona watatgen.
