SHILLONG: Adita salrangna skang, Meghalaya a·dokni Indo-Bangla sima jolo Bangladesh a·songni Bayraktar TB2 Unmanned Aerial Vehicle (UAV) ba drone-rangko nikani ja·man a·dokna naljokaniko on·na aro niam gri napsrukanirangko champengsona gita a·dok sorkari, ma·mong sorkari baksa mikrakbee kamrangko ka·enga ine a·dokni Deputy Chief Minister Prestone Tynsong ku·rachakaniko on·ataha.
East Khasi Hills a·jani Sohra aro Shella samba jolrango Bangladesh a·songni UAV-rangko nikani bidingo janapatengon, sima jolrango Border Security Force (BSF) nanga gita nirok sandianirangko dakenga aro a·dok sorkariba ma·mong sorkari baksa nangrime kamrangko ka·enga ine Tynsong parakataha.
“Sima jolrango BSF sipairang, a·songni manderangna naljokaniko on·na kam ka·enga aro a·dok sorkariba ma·mong sorkari baksa nangrime kamko ka·enga,” ine ua aganaha.
Indake ong·genchimoba, Bangladesh a·songoni napsrukanirang batroroengani aro Sohra samba jolrango Bangladesh a·songni drone-rangko nikaniara jajrengchakna nangani ong·a ine Deputy Chief Minister aganskaaha.
“Iarangko a·dok sorkari, ma·mong sorkari baksa agangrike nanga gita chel·chakaniko on·na kam ka·enga. Chinga a·dokna naljokaniko on·na mikrake kam ka·enga aro iani gimin an·ching jajrengna nangani katta dongja,” ine Tynsong aganaha.
Iarangni bidingo a·dok sorkari, Home Affairs Ministry baksa agangrikjringenga ineba ua aganaha.
“Chinga salo changgnimangde agangrikrongaia aro an·tangtangni man·soenggipa koborrangko on·grikaia. Chu·gimikkode anga parake on·na man·ja indiba a·song naljokanion ong·a aro chinga chel·chakaniko on·na kam ka·enga,” ine a·dokni Deputy CM aro Home Minister Prestone Tynsong aganaha.
 |
ReplyForward
|