ILP, Khasi-Garo ku·sikko eight schedule-o napatna dabiani bon·chipenga

SHILLONG: Ia bilsiba bon·angtaijok, indiba ILP-ko ra·gatna aro Khasi-Garo ku·sikko eight schedule-o napatna dabianirangko chu·sokatna man·kujaenga.
Meghalaya-o sorkariko rikchengaonin bilsli 2018-o NPP-ni dilenggipa MDA sorkari, Meghalaya Legislative Assembly-o Khasi aro Garo ku·sikko constitution-ni eight schedule-o napatna ma·mongko mol·molna resolution pass ka·china dilaha. Indiba bilsidok somoi re·angjok ma·mong, a·dok sorkari aro Khasi Authors Society-oni maming kattaan dongjaenga.
Inner Line Permit-ni gimin niatgenchimodba MDA sorkari bilsi 2019-o a·doko Inner Line Permit-ko ra·gatna gita ma·mongko mol·molna Meghalaya Legislative Assembly-ko ku·mongdilaha.
Ua somoinin a·dok sorkari adita changnade New Delhi-ona re·ange Prime Minister -ko gronge ILP-ko ra·gatna sinjetaniko on·aha indiba da·onan uani bidingoba maming kobor dongkuja. Ma·mong aro a·dok sorkari iani bidingo mamingkon agankuja.
Bilsi 2023-o MDA sorkari a·bachengtaiaha ua somoinin da·ona ILP aro Khasi-Garo ku·sikko eight schedule-o napatani bidingo maming kattakon agankujaenga.
Pressure group-ba dolrang a·dok aro ma·mong sorkariko changni chang a·dok ILP-o ra·gatani bidingo gisik ra·atenga. Indiba maming namgni dongjaenga.