MDC election-o UDP chegopna ka·dongsoenga: Rymbui

SHILLONG: District Council election ong·atna am·enggipao mitam gital napgiparangba dongan baksa district council gadango aro legislative gadango bang·a dingtanggrikanirang donggen ine UDP-ni dilgipa aro MLA, Lahkmen Rymbui aganaha.
“District council gadang aro legislative gadango electoral politics adita dingtangrikanirang donga Jaintia Hills-ni voter-rang 10,000-ni gitasan ong·a,” in ine aganaha, Khasi aro Jaintia Hills-o gital bikotgipa VPP dol MDC poll-ko chegopna a·kange aganangaha.
District council election-o voetr-rang komia aro pangnan ia nokdang candidate-rang baksa ku·mong nangrimani donga aro manderangni namnikaosa pangchakaia ine ua aganaha.
“Ian chonbegipa constituency ong·ani gimin agansona namen nenga, candidate gimikan rake kam ka·na aro voter-rangona sokangna man·a ian angni skaniko ong·a. Maia nambata uko basena voter-rangni jakon chinga pakwata,” ine ua agandapangaha.
Susaanio political party-ni u·iani ba gital ong·katgipa ong·anina uni parakatani gitade, sakantian uamang an·tangtangni party-ko bilakatna aro aro manderangni namniknaiko man·a sikbatgiparang ong·a.
“UDP-oni chinga mitam candidate-rangni bimingrangko parakataha, gnigipa aro gittamgipa list-ko re·baenggipa salrango parakatgen aro an·chingni candidate-rang election-ko cheatna chinga jotton ka·enga,” ine uni party-ni bidingo ua aganaha.