SGH Nongalbibra-o niamgri koela cho·enga

SHILLONG: Williamnagar-oni saksa social activist Mingran T. Sangma, Meghalaya High Court-ni seokgipa Justice Katakey Committee-na Chief Secretary-ni gita, mol·moloniko on·aha. South Garo Hills District Dobakol Nongalbibra-o niamgri koela cho·engani gimin petition-ko on·aha.
Meghalaya High Court-ni changni chang ge·etanirangko on·a ja·manba police department, district administration aro gipin daitoko ra·gipa department-rang High Court-ni ge·etanio ja·rikjaenga, niamrangko namrenge ra·enga ine Mingran T Sangma, badi ka·aha.
Niamgri koela cho·engani kamrangara Meghalaya sorkarini koela cho·anio champengna kam ka·anio bilgrikaniko mesoka. Niamgri koela cho·asan ong·aija indiba Garo Hills-o niamgri koela salaniko nikna man·gen.
Meghalaya a·doko niamgri koela gape trak gari salgiparang dongani a·sel rama aro dolongrango nangchakenga. Jrimgipa trak garirang re·ani a·sel ramarang nosto ong·enga.
Iarangni gisepon social activist, High Court-ni seokgipa committee-ko ia mamlako nirokatchina mol·molaha. Aro am·sandianiko dakchina dabiaha.