SHILLONG: Krismas aro bilsi gitalna sal 12 chutti watani ja·man Bristibar salo, a·dok sorkarini office-rangko kulipiltaiaha.
Ia sorkari office-rangko re·anggipa December 20 tarikonin, Krismas aro bilsi gitalna chutti watahachim.
Sorkari office-rangko kulipiltaiani salo, kam ka·giparangko kraa gitan an·tangtangni kam ka·chakram biaprango nikna man·aha indiba gipin biaprangoni re·anggipa manderang komiskaaha.
Sorkari office-rangko kulipilani salo minister saksaba Secretariat-o dongskajaha aro a·palrangoni re·anggipa manderangkoba nikna man·jaha.
Tura-oba badiaba badiaba office-rangode chu·gimik kam ka·giparangni office-rango kam ka·aniko nikna man·piltaiaha indiba badiaba badiaba office-rangode bang·gija kam ka·giparangni office-o asonganikosa nikna man·skaaiaha.
 |
ReplyForward
|