Saturday, June 28, 2025
spot_img

BJP-ni ‘Sangathan Parv’-ko ong·atanio bang·bea membor-rangko segata

Date:

Share post:

spot_imgspot_img

SHILLONG: Bilsi bongaprakon Bharatiya Janata Party (BJP)-ni Sangathan Parv ba Organisational Celebration-ko ong·atanio ia changoba a·song gimiko lakni lak gital membor-rang, bimingrangko segattaiaha aro unbaksana a·songni Prime Minister Narendra Modi-ko man·chape gitcham membor-rangba, an·tangtangko gital dake party-na on·kangtaiaha ine u·iataha.

“Sangathan Parv 2024-ko ong·atani a·song gimikon chu·sokgipa ong·aha maina da·o BJP-o kror 12-na baten primary membor-rang dongaha. Ia program-ko ong·atanio, lakni lak manderang BJP-o bimingtangtangko segattaiaha aro Meghalaya a·dokoba hajalni hajal manderang, an·tangtangni bimingko segate da·o BJP-ni membor ong·aha,” ine BJP-ni dilgiparang parakataha.

BJP-ni state president Rikman G Momin-ni dilanichi da·o Meghalaya a·doko BJP-ni membor-rang bang·bataha ine janapatengon, BJP-ni namroro silroroani kamrangan da·o Meghalaya a·dokoba BJP-ko bilakbatataha aro mikkangchi ong·atna sienggipa election-rangna ka·donganiko ra·baaha ine BJP-ni dilgiparang parakataha.

Biming segatani kamrang matchotahani gimin da·o biaptangtango dilgiparangko seokani ong·skaengaha ineba BJP parakataha.

“Chingni kamrango pangchake da·o Meghalaya a·dokni constituency ge·antion sak 60 mandal president-rangko chinga bakan parakatgnok,” ine BJP-ni dilgiparang parakataha.

spot_imgspot_img

Related articles

Meghalaya set to get back five villages from Assam

Border pact with Assam by August 15, says Paul Lyngdoh SHILLONG, June 27: The state government said that five...

Forced to do menial work, 2 HNLC cadres surrender

SHILLONG, June 27: Two cadres of the proscribed Hynniewtrep National Liberation Council (HNLC)— Dibarius Jyrwa (32) and Ridor...

MRSSA more potent than ILP in checking influx, says paul

SHILLONG, June 27: With pressure groups time and again raising the demand for inner line permit in Meghalaya,...

RTI reveals misuse, violation of mineral reclamation funds

SHILLONG, June 27: Documents obtained through RTI applications have unearthed serious anomalies, misuse, and guideline violations in the...