SHILLONG: Indian council of medical research, HPMV Virus-ko a·doko test ka·na man·a gita Meghalaya-na test ka·ani kitrangko watatgen.
Ru·utgija salni gisepon ua test ka·ani kitrang a·dokona sokbagen, Health department-ni official saksa aganaha.
Meghalaya-o da·odipet HPMV virus-ko man·a dongkuja, a·doko maibakai ua sabisiko man·a bang·genchimoba uarangko warachakna tarienga, official aganaha.
Da·o songsul Assam-o Lakhimpur-ni bi·sa saksako HMPV virus man·chengani koborko man·aha. HMPV virus-ko Dibrugarh-o Assam Medical College aro Hospital (AMCH)-o ja 10-ni bi·sani bimango saako rim·a man·aha aro da·o uko sanenga. Ia bi·sa da·o kenani dongja ine daktorrang aganaha.
