Tura: DC Park, Tura-o Deputy Commissioner Election 15-gipa National Voters Day-ko manidilaha. Ia bilsini National Voters Day-ni katta bichong re·anggipa bilsini ja·pang katta ‘‘Nothing like Voting, I Vote for Sure’’ gitan ong·kuenga. Ja·pang kattao puona bil-rengsi dongani mongsonggipa ong·aniko aro a·song gimiko voter education-ko nambatani gimin janapaha.
Right to Vote-ni gimin Deputy Commissioner Jagdish Chelani uni aganao puonani bil-rengsisan ong·aija indiba an·chingni a·songna aro an·tangtangna an·chingni gro nangani daito ong·a. Puongipa sakantiko chana aro a·songni mikkangchiko bimangko ong·ata, jensalo mande saksa puona uamangni ku·rangko knaa aro democratic-ni kamrango raken bakko ra·ani ong·a, ua aganaha.
Gital bimang segatako man·giparang puona uamangni bilko jakkalchina ua didiaha aro vote ge·saba namen mongsonggipa ong·a aro dilgipako basechina agan-ku·pattie janggi tanganiko aro janap-ge·etanirangko ja·rikna nanggen unon political dilgiparangchi aro gipin dilgiparangchi mittelako man·gen. Unagreba pilak Officer-rang, Booth Level Officer-rangni kam ka·aniko, on·kanganiko aro election-ni kamrango pilak kam ka·giparangko janape district-o assembly constituency-rango election changantion chu·sokatanina uni mittelaniko janapaha.
Programme-o, West Garo Hills, Additional Deputy Commissioner (Election), Nippon Hajong aganchengao a·song gimiko 25 January-o National Voters Day ine election-o gisik nange bakko ra·anina puongiparangko mittelna India-ni Election Commission-ni pangchakani salko manironga ine aganaha.
Tom·ao Chief Guest, West Garo Hills Deputy Commissioner, Jagdish Chelani EPIC-ko bilsi 18-19 ong·gipa gital biming segatako man·giparangna suale on·angaha. Chief Guest, Superintendent of Police, WGH Abraham T Sangma baksa tom·ao West Garo Hills District-ni ning·ogipa Best Booth Level Officer-rangko Certificate-rangko aro Memento-rangko mande ra·aniko dakaha.
Prenolish K Sangma, BLO 36-Chigitchakgre Govt LP School, 46-Phulbari (GEN) LAC, Hamidul Islam, BLO 37-Bhaitbari-11 BNA Model ME School, 47- Rajabala (GEN) LAC, Benabith Ch Marak, BLO 3-Mandagre LP School, 48-Selsella (ST) LAC, Salan N Marak, BLO 7-Tura Govt College, 50-North Tura (ST) LAC, Pandina R Marak BLO, 35-Matchakolgre LP School, 51-South Tura (ST) LAC, Siljon M Marak BLO, 37-Nokatgre LP School, 52-Rangsakona (ST) LAC, Gremfield R Marak BLO, 19-Rimrangpara M E School, 56-Gambegre (ST) LAC and Pradip Koch BLO, 14-Dalu Block Information Centre, 57-Dalu (ST) LAC tom·ao Best BLO Award man·giparangni bimingrang aro mande ra·aniko man·aha.
Superintendent of Police, West Garo Hills, Abraham T Sangma, Additional Deputy Commissioners’ aro Assistant Commissioners’ West Garo Hills-ni, district-ni gipin Official-rang, SVEEP Icon, Persons with Disabilities (PWDs) Amos Gongmei, gital voter-rang gipinrangni gisepo tom·ao dongpaaha.
Republic Day-ko da·alo manigen uno Two Day Buyer aro Seller Meet-ko DC Park, Tura-o ong·ataha jeon ge 35 dokkanrang donga aro uarang wata-chengani, sola-repani, jakchi doka ba·ra gipinrang, bolniko tarigipa bosaturang, gandingrang aro bang·a dingtang dingtang bosturangko palna unagreba MGMP aro joltangni artist-rangko man·chape Music, Chess kal·susaanirangko man·chape bi·sarangna kal·susaani, noksa salsusaani aro gipin susaanirangko ong·atna tariaha. East Garo Hills distict administration, mejalo Multipurpose Hall, Deputy Commissioner Office, Williamnagar-o 15-gipa National Voter’s Day-ko maniangaha.
East Garo Hills-ni The chief guest of the occasion Deputy Commisioner, Vibhor Agarwal chief Guest ong·e puonaniara songsalni namgnina songpanggipa sakantini daito ong·a. National Voters Day an·chingni funadamental rights-ko aro dilgipako seokachi democratic-ni kamrango gisik nange bakko ra·na aro puona sakantini dakgniko an·chingko gisik ra·pilatani ong·a, ua aganaha.
Additional Deputy Commissioner, Dimserita Sangma, rimchaksoani kattako aganaha aro Assistant Commissioner Julius Marak mittelpilaniko aganaha.s
