SHILLONG: South Shillong-ni MLA Sanbor Shullai aro party-ni state president Rikman Momin-ni dilanichi, Bharatiya Janata Party (BJP)-ni adita sak dilgiparang, Union Minority Affairs Minister Kiren Rijiju-ko grongenba, Shillong songjinmani Laban-o donggipa Red Cross Hospital-ko taridapchina didiangaha.
Ia Red Cross Hospital-ko taridapchina Union Minister-ko didiangengon, nosto ong·angenggipa Assam-type nokni pal gital chasongni nokko rikchina aro ia hospital-ni dingtang dingtang cholrangko namdapatchina BJP-ni dilgiparang didiangaha.
Ia Red Cross Hospital-ara uni constituency-ni ning·o ga·akgipa hospital-an ong·ani gimin ia jolrango donggipa BPL nokdangrang, nambata sanna bananirangko ra·na man·na gita ia hospital-ko nambate tarichina BJP MLA Shullai didiangaha.
Ua an·tangba ia hospital-on atchigipa ong·a ine janapatengon, ia hospital-ko ua Shillong nambatsranggipa hospital-rangoni damsa ong·atna nangnikenga ine Shullai parakataha.
Shullai-ni u·iatani gitade, ia chanchirimanio Union Minister Kiren Rijiju-ba ia project-na gisik nanganiko mesokaha.
Indake ong·engon, da·o BJP-ni dilgiparang, a·dokni Chief Minister Conrad K Sangma-ko grongenba, ia proposal-ko mongsonggipa ong·e ra·china aro Minority Affairs department-ona watatchina didianggen ine Shullai parakataha.