SHILLONG: Shillong Tech Park jeon dingtang dingtang company-rang kam ka·engon a·dokni sak 1200 -na baten chadamberangna kamrangko ka·e cha·na cholrangko on·enga. Indake mikangchi Meghalaya State GIS aro UAV Centre-ni gita Remote Pilot Training Organization (RPTO)-ko sokachakskangen.
IT Department-oni official-rangni The Shillong Times-na u·iatani gitade, RPTO Shillong Centre, drone-ko chalaina license ra·na ba man·a gita chadamberangna training-ko on·gen.
Skill drone operator-rangna jemangan dingtang dingtang project-rango aro an·tangni kam ka·na cholrangko ong·atatna man·gen uamangna skie on·a ia miksongani ong·a.
SIROBILT, ian US-oni Technology Company, Shillong Tech Park-o batanggimin antio tarianggipana sak 100-ni gita software aro accounting professional ong·giparangko re·baenggipa anti gittamrango ta·rake ra·angna am·enga aro bilsi bon·achipak da·o ra·gipana bate dunagni batgen.
Ian gital graduate ong·e dongenggiparangna aro a·doko professional ong·e donggiparangna cholrangko on·anggen aro a·dokni a·palo kam ka·giparangnaba ong·gen indiba Shillong-ona re·bana namnikgiparangna ong·gen, ine official-rang aganaha.
2027-28 bilsio kror 80,000-ni gita GSDP-ko dunagni ong·atanichi USD billion 10 economy gadang ong·atna Meghalaya-na nisanko chu·sokatangna dal·begipa role-ko kal·na ITeS industry ka·dongsoenga.
Shillong Technology Park-ni Phase-I-ko 2022 bilsini February jaoni chalaiengaha aro kam ka·ani biap gimikan gapaha. Ramramgipa cholrang baksa lak 1 square feet-ni dal·begipa biapo mejamangmang nok building-rangko rikaha jekai 24/7 Canteen, sak 100 chakgipa Auditorium, Skilling Centre-rang aro Conference Room-rang, 104 Plug-and-Play seat-rang aro Guest House donga.
Dongkuenggipa biaprangko company-rangna on·aha jemangan uamangniinternational client-rangni gadangrangna uamang an·tangtangna kamrangko ka·angna tariaha. US-oni company-rang jemangan Shillong Technology Park-o ra·anggipa TechDigital, 24/7[ai], iMerit, Medusind, Sirobilt, Pursuit Software ong·a. Ia company-rang ua biaprnago uamangni America-ni client-rangchi kamrangko ka·angenga jekai Software Development, Artificial Intelligence, Talent Procurement, Medical Insurance, Service Support aro gipinrang.
HDFC Bank nok dring gimikkon uamangni kamrangko ka·angna ra·gopaha. Joltangni start-up-rangba Everium aro Magic Works, Shillongo Plug-and-Play biapko ra·aha.
