AMPATI: An·tangko doctor ine tol·enba, manderangko cha·bokna jotton ka·gipa mande saksani kosako South Garo Hills a·jani social activist Greneth M Sangma, Ampati Police Station-o FIR ka·doangaha.
Kobor on·ani gitade, Hirak Sangma minggipa mande saksa, an·tangko Ampati Civil Hospital-ni doctor ine tol·enba, Garo Hills-ni dingtang dingtang health centre-rango kamrangko on·gen ine manderangoniko tangka dabie ra·engachim.
Ia mandeni kosako FIR ka·ani ja·mansa, ia mandeara doctor-ba ong·ja aro Ampati Civil Hospital-o maming bak dongja ine ma·sina man·aha.
Greneth Sangma-ni FIR-o janapatani gitade, ia mande, Chokpot CHC-o kam on·gen ine me·chik saksaoniko tangka dabiaha aro dingtang dingtang hospital-rango kamrang donga ine an·tangni Whatsapp status-oba done, manderangko cha·bokna jotton ka·ahachim.
“Ia mandeni bidingo am·sandiangkuon, ua ru·uta somoirangonin an·tangko doctor ine tol·enba, manderangoniko cha·boke ra·na jotton ka·aha ine ma·sina man·aha. Uni gimin iandakgipa a·selrangni bidingo manderangna mikrakatanirangko on·na nangenga aro iandakgipa obostarang ong·taijana gita ia mandeni kosako ta·raken ja·kuko de·na nanga,” ine Greneth parakataha.
 |
ReplyForward
|