SHILLONG: State Cabinet, Butbaro Meghalaya Urban Parking Policy 2025-ko ra·chakangaha, indake ia policy-ko ra·chake donani ja·mano Shillong-ni rama rikamrango dongipa garirangoniko sorkarina tangka ra·na ba fees ra·na chol ong·gnok aro Skotong songjinma aro gipin urban area-rangni ramarango gari dongiparangkoba nirokna gita Sorkarina chol ong·gnok.
Indake ong·genchimoba da·o dongenggipa municipal parking lot-rangchide ia policy mamingdakeba nangchakejawa, ramarango parking ka·aniko nirokna aro uarangoniko fees ra·na gita policy dongkujani giminsa iako ra·gataha ine Chief Minister, Conrad Sangma aganaha.
Rama rikamrango skatang garirangko parking ka·engani gimin police, Dorbar Shnong-rang aro manderang suk ong·gijanirangko aganani ja·mano ia policy-ko ra·gatna gita sorkari ja·ku de·aha.
Indake ia policy-ni ning·o dingtang dingtang dake zone-rangko bak dakgen aro gittimo songdonggiparangni dakchakaniko ra·enba parking zone aro no parking zone dake dongen.
Ia policy-ko ra·gatanichi, sorkari bilsio kror 40 mangni gitade kajinarangko man·naba donggnok.
Parking tarina gita badiaba gittimrango biap on·ode Sorkari uandakgipa organization aro locality-rang baksa mingsa PPP mode-o bakrime kam ka·na gita miksongenga.
