TURA: West Garo Hills a·jao donggipa Rajabala Higher Secondary School-ni a·ako ra·sekna jotton ka·enga ine Budbar salo, School Managing Committee (SMC)-ni secretary Hadisul Islam, Garo Hills Autonomous District Council (GHADC)-ni Land & Revenue department-ko matnangataha.
Islam-ni parakatani gitade, ia a·ara Mouza-VI 3lot-ni ning·o 28B-3K-2L ong·e Rajabala-o donggipa Rajabala HS School-ni a·a ong·achim aro ia a·arangoni 22B-0K-2L-kode ia skulni bimingon patta dake, bangki 6B-3K-0L-kode patta dakkugija skulni kal·chakram dake jakkalengachim.
Indake ong·engon, badiaba manderangni didianiko man·e February-ni 26 tariko GHADC-ni ning·o donggipa Land & Revenue department-ni official-rang, skulni SMC-na chol on·gija, ia a·ako ‘Kash Land’ inenba todraeaha.
“Ia a·ako 1952 bilsio chingni pagitchamrangsa Rajabala HS School-ko kulina gita chingna on·angaha aro untalan ia biapo ia skulko chalaipaenga. Ia skulara Meghalaya a·doko sorkarini dakchakanichi chalaienggipa skulrangoni mingnambatgipa skulrangoni damsa ong·paachim,” ine SMC-ni secretary parakataha.
Ia Rajabala HS School-ara, Mouza-VI 3lot-ni ning·o ong·e Garo Hills District-ni Non-Scheduled area-o ga·akgipa biaprangsa ong·ani gimin ian GHADC-ni ning·o ga·akgipa biaprang ong·ja ineba SMC-ni secretary parakataha.
West Garo Hills a·jani a·kawe jolo songdongenggipa mitam manderangni man·gninasa Land & Revenue department-ni official-rang, ia a·ako ‘Kash Land’ ine todraaha ineba Rajabala HS School-ni secretary matnangataha.
 |
ReplyForward
|