TURA: West Garo Hills a·jani a·kawe jolrang, chong·motan Chibinang, Phulbari aro Rajabala jolrango niam gri songdong a·chaenggipa manderangko am·sandienba a·rikgalchina gita A·chik Conscious Holistically Integrated Krima (ACHIK), Garo Hills Autonomous District Council (GHADC)-ko didiataha.
Iani bidingo ACHIK Krima Council-ni dilgiparang, GHADC-ni Chief Executive Membor (CEM) Albinush R Marak-ko Sombar salo grongenba, memorandum-ko on·angaha.
Chibinang, Phulbari aro Rajabala jolrango niam gri songdongenggipa manderangko am·sandienba a·rikgalchina GHADC-ni CEM-ko didiatengon, gipin biaprangoni manderang, Garo Hills-ona niam gri re·napbaenba, Tribal-rangni a·arangko ra·seke songdongna jotton ka·tokenga ine ACHIK Krima Council-ni general secretary Happynews R Marak parakataha.
“Ia biaprango niam gri songdong a·chaenggipa manderangara, A·chikrangni a·arangko sekdrae songdong a·chana jotton ka·asan ong·aigija, ia jolrango manderangko jelbra jelsuatna aro niam retirangko pe·na kenchakani ong·enga,” ine ACHIK Krima Council-ni general secretary parakataha.
Ia jolrangona niam gri re·napbae songdong a·chaenggipa manderangko am·sandie a·rikgalchina didiatengon, ia manderangni niam gri re·napbae songdong a·chaanichi ia jolrango songdongkamgipa manderang, an·tangtangni bagan barirangko gimaatna, bading chiwalanirango noksan ong·na aro kenchipchipe janggi tangna nangtokenga ine ACHIK Krima Council parakataha.
Ia manderangko re·napbana dakchake on·enggipa manderang aro official-rangkoba am·sandienba nanga gita ja·kurangko de·chinaba ACHIK, GHADC-ni CEM-ko didiataha.
WGH-ni a·kawe jolrango niam gri songdongenggiparangko a·rikgalchina ACHIK dabia
Date:
Share post:
