SHILLONG: 2019 bilsini Meghalaya Teachers’ Eligibility Test (MTET)-ko ong·atanio question paper leak ong·anina gimik sak 14 manderangko police-rang rim·na man·aha.
Iako Sukrobar salo, a·dokni Education Minister, Assembly-ni question hour-o Opposition membor-rangni sing·anina parakataha.
Question paper leak ong·anio jak donganina rim·ako man·gipa sak 14 manderangoni sak 11-de chatro chatrirang ba MTET candidate-rangan ong·a ineba ua aganaha.
Education Minister-ni parakatani gitade, MTET porikkani question paper leak ong·anio mongsonggipa manderangara, Guwahati songjinmao donggipa NEICOM Impression Printing Press-ni program developer aro kam ka·gipa ong·achim.
2019 bilsio MTET-ni question paper leak ong·aniko, West Garo Hills a·jani Tura Government College-osa ma·sichengaha ineba Sangma aganaha.
Mikkangchi iandake porikkani question paper-rang leak ong·na man·jana gita sorkari, nanga gita ja·kurangko de·enga ineba Education Minister parakataha.
2019 bilsio, Meghalaya a·dokni Lower Primary aro Upper Primary skulrango skigiparangna ong·atanggipa MTET-ni question paper-rang leak ong·ahani gimin Tura police station-o FIR-ko ka·ahachim.
Whatsapp social media-o manderangni watgipa photo-rangko man·ani ja·man, Meghalaya High Court-ni Advocate Sofi Kamrul Hassan, iani bidingo Tura police station-o FIR ka·ahachim.
 |
ReplyForward
|