Garo Labour Corps-ni cenotaph-ko pe·galanina Mothers Union jegala

TURA: Tura-ni Babupara jolo Garo Labour Corps Day manichakgipa biapo commercial complex-ko rikna miksongesa ia biapo donggipa cenotaph-ko pe·e galaha ine Tura-ni Mothers Union parakatenba, iani bidingo West Garo Hills a·jani Deputy Commissioner dongnuna jotton ka·aha ine matnangataha.
Mothers Union-ni parakatani gitade, iani bidingo uamang March-ni 17 tariko, Deputy Commissioner Jagdish Chelani-ko grongenba sing·sandion, ia biapo commercial complex-ko rikna miksonganirang dongja indiba gitcham dilgiparangko mande ra·na gitasa ia biapko taridapna miksongenga ine uamangna ku·rachakaniko on·atahachim.
Ia biapo batanggimin ru·utbea bilsirangnan Garo Labour Corps Day-ko July 16 tariko manirongengachim indiba ia biapo rikgipa cenotaph-ko adita jarangna skangsan pe·e galahachim.
“Ia biapni bidingo chinga DC-ko gronge sing·sandion, ia biapo commercial complex-ko rikna miksonganirang dongja ine chingna ku·rachakaniko on·ahachim indiba Tura Municipal Board-o RTI ka·e am·sandion ia biapo commercial complex-ko riknasa ia biapko pe·e galaha ine chinga ma·sina man·aha. Ian Garo Hills-o songdongenggipa manderangni kosako re·ani gita ong·enga,” ine Tura Mothers Union-ni dilgiparang parakataha.
Deputy Commissioner-ni iako dongnuna jotton ka·aniara Garo Hills-o songdongenggipa manderangni gisepo suk ong·gijaniko ra·baani ong·aha ineba Mothers Union parakataha.
“Ia biapara Garo Hills-o songdongenggipa manderangni gisik ra·ani aro jatna namen gamchatbegipa ong·achim indiba ia biapko pe·gale commercial complex rikna ja·ku de·aniara namen kragijani ong·enga,” ine Mothers Union-ni dilgiparang parakataha.
“Ia biapo rikgipa cenotaph-ara Garo Hills-ni manderangna ramram bimangsan ong·aigija a·gilsak gimikni dakgrikanio an·tangtangko on·kanggipa pagitchamrangko gisik ra·na tarigipasa ong·achim. Ia biapko pe·e, iano commercial complex-ko rikna jotton ka·aniara Garo Hills-o songdongenggipa manderangko mikchepani gitaba ong·aha. Chinga jattangni ma·ambiko ripinganio aro songsalni kosako iandake ja·ku de·aniko raken jegalenga,” ineba Mothers Union parakataha.
Iandakgipa nangchongmotgipa kamrangni bidingo Garo Hills-o songdongenggipa manderang baksa agangrikchenggija kamko ka·na jotton ka·ahani giminba Mothers Union, raken jegalataha.
“Iani bidingo Deputy Commissioner-ni talate on·aniko chinga dabienga aro ia biapo commercial complex rikna jotton ka·aniko champengchina sorkariko didienga. Ia rongtalgipa biapko anti cha·ram biap dake jakkalna jotton ka·genchimode Garo Hills-ni manderang jrip nie dongjawa aro jatni gam-jinko chel·chakna ja·ku de·gen,” ine Mothers Union parakataha.
Iani bidingo West Garo Hills a·jani Deputy Commissioner Jagdish Chelani-o sing·sandiaton, ia pilakan ma·sisretanisa ong·aha aro ia biapo commercial complex-ko rikna miksongani dongja indiba cenotaph-kosa nambate tarina miksongenga ine talataniko on·angskaaha.
Deputy Commissioner-ni parakatani gitade, iani bidingo ua Budbar attamon Mothers Union-ni dilgiparang baksa tom·e agangrikaha aro dolgnini gisepo ma·sisretgrikanirangko talate on·aha.
Dingtang dingtang dolrangni jegalaniko man·ahani gimin da·o kamrangko dontongatchenggnok ineba Deputy Commissioner parakataha.