WILLIAMNGAR: Tura-ko Winter Capital songchina dabienggipani bidingo re·anggipa Sonibaro, East Garo Hills-ni Nokma Association baksa bakrimenba Rongrenggre, Williamnagar-o Williamnagar-ni pilak NGO-rang nangrime tom·aniko ong·atangaha.
Ia tom·anio, A·chik State Peoples’ Front (ASPF), Garoland State Movement Committee (GSMC), Garo Students Union (GSU), Nokma Association of East Garo Hills, A·chik Progressive Approach (APA), Mothers Union, Williamnagar, All India Garo Union (AIGU), aro Garo Hills Enlightenment Society (GES) dolrang bakko ra·angaha. Tura-ko Wintal Capital songchina dabienggipani bidingo chanchirimaniko dakchina gita re·anggipa somoio Sorkarini gita je committee-ko songahachim, iani bidingo tom·anio chanchirimaha aro uamangni dabianirang be·en pil·kujana kingking krimkro chadengangkuna gita chanchianiko dakaha.
Indake mongsonggipa NGO dilgiparangoni ASPF-ni Secretary Bernita Marak, Balkarin Ch. Marak, Acting Chairman; Nehalin S. Marak, President, Mothers Union, Williamnagar; Chibasal R. Marak, Lecturer, Loyola College; Roger D. Shira, President, APA; Slang Goera Marak, Vice President, GES; Duke Momin, a·gipi songdonggipa aro Nokma Association-ni president Alden Marak, mangba tom·anio dongpaaha.
Tura-ko Winter Capital songchina dabianio Nokma Association chakpaa aro iako dabiengon, ka·sagrikao ku·cholsan ong·e maming mitchigrikani gri ja·ku ga·aniko Nokma Association nangnika ine Alden Marak aganaha.
Garo Hills-ni chadamberang, A·dokni gipin biaprango donggipa chadamberang baksa susaani a·barango apsan ong·na man·ja, indakgipa ra·bianirangko A·chik A·songni chadamberang maina chagrongna nangenga, ian skia-poraiani a·barango chol man·anirang komiengani gimin aro minggipinara namnamgipa educational institution-rang chu·onga gita dongjani a·sel ong·enga. Unigimin Winter Capital-ko man·bagenchimode namroro-silroroanina nangchongmotgipa cholrangko man·bagen ine Loyola College-ni lecturer saksa Chibasal Marak aganaha.
Unomitingo Winter Capital-na dabiani bakrimenggipa sakantikon gisikni gita aroba bil-jakni gitaba tarie dongchina gita Bernita Marak didianiko on·aha aro Tura-ko Winter Capital songani bidingo chanchirimaniko dakchina gita Sorkari adita somoina skang dolsa comittee-ko songaha ine manderangna talate on·aha.
Indake tom·anio bakko ra·gipa sakantikon, GES-ni vice president Slang Goera mittelpil·aniko dakangaha.
Ia tom·anio, A·chik State Peoples’ Front (ASPF), Garoland State Movement Committee (GSMC), Garo Students Union (GSU), Nokma Association of East Garo Hills, A·chik Progressive Approach (APA), Mothers Union, Williamnagar, All India Garo Union (AIGU), aro Garo Hills Enlightenment Society (GES) dolrang bakko ra·angaha. Tura-ko Wintal Capital songchina dabienggipani bidingo chanchirimaniko dakchina gita re·anggipa somoio Sorkarini gita je committee-ko songahachim, iani bidingo tom·anio chanchirimaha aro uamangni dabianirang be·en pil·kujana kingking krimkro chadengangkuna gita chanchianiko dakaha.
Indake mongsonggipa NGO dilgiparangoni ASPF-ni Secretary Bernita Marak, Balkarin Ch. Marak, Acting Chairman; Nehalin S. Marak, President, Mothers Union, Williamnagar; Chibasal R. Marak, Lecturer, Loyola College; Roger D. Shira, President, APA; Slang Goera Marak, Vice President, GES; Duke Momin, a·gipi songdonggipa aro Nokma Association-ni president Alden Marak, mangba tom·anio dongpaaha.
Tura-ko Winter Capital songchina dabianio Nokma Association chakpaa aro iako dabiengon, ka·sagrikao ku·cholsan ong·e maming mitchigrikani gri ja·ku ga·aniko Nokma Association nangnika ine Alden Marak aganaha.
Garo Hills-ni chadamberang, A·dokni gipin biaprango donggipa chadamberang baksa susaani a·barango apsan ong·na man·ja, indakgipa ra·bianirangko A·chik A·songni chadamberang maina chagrongna nangenga, ian skia-poraiani a·barango chol man·anirang komiengani gimin aro minggipinara namnamgipa educational institution-rang chu·onga gita dongjani a·sel ong·enga. Unigimin Winter Capital-ko man·bagenchimode namroro-silroroanina nangchongmotgipa cholrangko man·bagen ine Loyola College-ni lecturer saksa Chibasal Marak aganaha.
Unomitingo Winter Capital-na dabiani bakrimenggipa sakantikon gisikni gita aroba bil-jakni gitaba tarie dongchina gita Bernita Marak didianiko on·aha aro Tura-ko Winter Capital songani bidingo chanchirimaniko dakchina gita Sorkari adita somoina skang dolsa comittee-ko songaha ine manderangna talate on·aha.
Indake tom·anio bakko ra·gipa sakantikon, GES-ni vice president Slang Goera mittelpil·aniko dakangaha.