WGH gital DC-ko man·a, TMB-ni CEO-naba gipinko seoka

TURA: West Garo Hills a·jani Deputy Commissioner Jagdish Chelani-ko Taxes-ni Commissioner aro Meghalaya State Skill Development Society (MSSDS)-ni Executive Director dake kam ra·jitangahani gimin uni biapo East Garo Hills a·jani Deputy Commissioner Vibhor Aggarwal-ko West Garo Hills a·jani Deputy Commissioner dake ra·jitbaskaaha.
Meghalaya sorkarioni u·iatani gitade, East Garo Hills a·jani Additional Deputy Commissioner (ADC) Reuben Ch Momin da·o East Garo Hills a·jani Deputy Commissioner ong·e jako ra·angskagnok.
Indake ong·engon, Tura Municipal Board (TMB)-ni Chief Executive Officer (CEO) Rikse R Marak-koba uni kamoniko olgrokataha aro uni biapo West Garo Hills-ni ADC Florina Boro-ko TMB-ni CEO songatskaaha.
Tura-ni Babupara jolo donggipa Garo Labour Corps-ni Cenotaph-ko nambate tarina miksonganio, manderang aro dingtang dingtang dolrang baksa maming agangrikchengani gri ia cenotaph-ko pe·galahani gimin Mothers Union-ko man·chape Garo Hills-ni dingtang dingtang dolrang, West Garo Hills-ni Deputy Commissioner Jagdish Chelani aro TMB-ni CEO Rikse R Marak-ko jegalenba, ia official sakgnikon kam ra·jitatchina a·dokni Chief Minister-o dabiangahachim ine nikna man·a.