TURA: Ia 2025 bilsini Secondary School Leaving Certificate (SSLC) Supplementary porikkako re·baenggipa May 1 tarikoni May 8 tarikona ong·atenga ine Meghalaya Board of School Education (MBOSE)-ni Director Accreditation aro Controller of Examinations TR Laloo u·iataha.
Laloo-ni u·iatani gitade, je chatro chatrirangan ia bilsini SSLC porikkao chu·sokgipa ong·na man·jahachim, uandakgipa chatro chatrirang ia Supplementary porikkako sepiltaina chol man·gen.
Ia Supplementary porikkani skanggipa sal, chong·motan May-ni 1 tariko Mathematics/Special Mathematics ong·gen, May-ni 2 tariko Science & Technology, May-ni 5 tariko Health & Physical Education/Computer Science/Vocational Subject, May-ni 6 tariko English, May-ni 7 tariko Indian Languages/Additional English aro bon·kame May-ni 8 tariko Social Science subject ong·gen.
MBOSE official-ni u·iatani gitade, Exam hall-ko pringantian pring 9:30 bajio kuligen, question paper-rangko pring 9:45 bajio sualgen, Answer script-rangko pring 9:50 bajio sualgen aro candidate-rang pring 10:00 bajioni porikkako sechakatgen.