NGH-oni gimagipa me·chikni manggisiko Assam-o man·a

Resubelpara: Jagokpilatgipa obosta ong·anio, me·chik saksa jean meja  batanggimin April 19 tarikoni gimaengachim, uni manggisiko Assam Goalpara district-ni Dudhnoi PS-ni ning·o ga·akgipa Damra songosa Mongolbar pringo man·eskaha.
Sianggipa me·chik North Garo Hills district-oni ong·achim, uni gimaani mamlako Mendipathar PS-o segataha aro Police-rang ua me·chikko sandiengachim.
Mongolbar pringo jolni manderang me·chikni manggisiko chio balboe dongako nike Damra Outpost-na kobor on·aha. Maimancha ong·chongmota iako da·ode talkujaenga, police mamlako talna sandienga. Indiba police-de me·chikni sianiko ong·telaigipa obostachi siahakon ine potchipenga.
“Me·chikni manggisio skoo jokkom ong·ani chinko nikna man·aha, iana post mortem ka·ani report-ko sengenga. Report-ko man·osa maidake sichongmota iako talna man·gen. Sandianiko matchota ja·mansa chong·mot a·selko u·ina man·gen. Indiba manggisi man·gipa, meja antioni gimaagipaan ong·a ine NGH-ni superintendent of police Swapnil Pawar koborna u·iataha.
Unbaksana me·chikko kal·ake so·otahama iani giminba sandiako matchota ja·man u·ina man·gen, da·ode mamingkon agana man·kujawa.