Saleng, DISHA meeting-o central scheme-rangko nipilanga

Baghmara: South Garo Hills district Baghmara-ni New Circuit House Conference Hall-o Mongolbar salo DISHA meeting ba tom·aniko ong·atao Tura MP, Saleng A Sangma, ma·mongni scheme-rangko nipilangaha.
DRDA, Health, Education, Water Resources, Agri- Horti Department, MePDCL, DCIC, ICDS, MSRLS, PWD Roads & NH, PHE aro gipinrangni ning·o ga·akgipa dingtang dingtang scheme-rangko ra·gatani aro kam a·bachenganirangko tom·anio nipilangaha.
Scheme ge·antina chamgipa fund ba tangka-paisarangni gimin, project-ni kamko ka·anio maidakgipa neng·nikarangko chagronga uarangni bidingoba tom·anio chanchirimangaha.
Iarangni gisepon MP Saleng, a·dok sorkarini machineries-ko gimik scheme-rangan beneficiary-rangona sokatna kam ka·china ge·etaha. Manderangni namgnina scheme-rangko parakataha, uni gimin ua scheme-rangko kraa bewalo beneficiary-rangona sokatna nangchongmota ine agandapangkuaha.