Baghmara: Ge·gittam telecom firms (Jio, Airtel, BSNL)-ni network connectivity bilongen namsrangjani gimin suk ong·jae Social activist, Greneth Sangma, deputy commissioner-na lekka sedoataha. Deputy Commissioner-an Consumer Forum-niba Chairman ong·a, uni gimin DC-na South Garo Hills district-ni gimik bakrango network namsrangjani gimin lekkako seaha.
“Airtel, Jio aro Cellone-ni on·enggipa network service obostaan dongsrangjaniko anga u·iatna sika. Network namsrangjani gimin bilongen neng·nikarangko man·enga. Somoi gita jaanti recharge fee-ko gamgenchimoba chinga namgipa network-kon man·jaenga. Network namja baksana data speed ka·sina, call ka·namangba name dake man·ja- iarangko janapate Sangma, Mongolbar salo badi ka·aha.
Iarangara firm-ni manderangko cha·boke cha·ako mesoka, manderangoniko tangka ra·eba namgipa network service-ko on·jaenga. Namgipa service-ko on·na ku·chakaniko chu·sokatjaenga ine Sangma aganaha.
“Uni gimin chinga company-rangko namgipa network service-ko on·china mol·mola, customer-rangni tangkako on·pilchina dabia. Company-ni ku·chakatangko chu·sokatjaniara consumer right-ni niamko pe·ani ong·a. Uni gimin chinga ia mamlako ta·raken nirokatchina mol·mola.
