WILLIAMNAGAR: Rural Development aro dingtang dingtang Ministry-ni ning·o ma·mong sorkarini ra·gatgipa scheme-rangko nipilna gita Bristibar salo, Tura-ni MP Saleng A Sangma, District Development Coordination and Monitoring Committee (DISHA)-ni tom·aniko, Williamnagar Circuit House-o ong·atangaha aro ia tom·anio dingtang dingtang department-ni officer-rang bak ra·angtokaha.
Ia tom·anio, DRDA, Health, Education, Animal Husbandry & Veterinary, DCIC, PHE, Health, Agriculture, ICDS, Fisheries PWD, Social Forestry, Water Resources, Soil & Water Conservation, Sericulture, Horticulture aro uandakgipa department-ni ning·o ra·gatgipa dingtang dingtang ma·mongni scheme-rangko Tura-ni MP nipilangaha.
Pilak scheme-rangkon, a·jao donggipa manderangona sokatna gita kamrangko name ka·china ia tom·anio Tura-ni MP, dingtang dingtang department official-rangko didiangaha.
Ma·mong sorkarini scheme-rangko chu·sokatanio chagrongna nangenggipa neng·nikanirangko talate on·china didiangengon, kamrangko nambate chu·sokgipa ong·atna pilak gadangrangon ku·mong nangrimani gnang kamko ka·china Tura MP, dingtang dingtang department-rangko didiangaha.
Ia tom·anio dingtang dingtang department-rang, an·tangtangni chu·sokatenggipa scheme aro project-rangko Tura MP-na talate on·angtokaha.
