NEW DELHI: Meghalaya a·doko lekka porako namdapatna gita re·anggipa chamatgipa gong kror 546 tangkarangchi a·doko dam 65 secondary skulrangko aro dam 10 industrial training institute-rangko taridapna man·enga ine Robibar salo, official-rang parakataha.
Meghalaya a·doko secondary aro higher secondary skul nokrangko rikdapna gita ADB loan-ni ning·o gong kror 546 tangkarangko chamatahachim ine nikna man·a. Ia project-ara dam 65 sorkari skulrangko namdapatna aro ia skulrangoni dam 34-ko model skulrang dake kulianian ong·achim.
Secondary-ni gadango poraiako dontonggiparang 21.7 percent ong·ahani gimin iandake poraia dontonggiparangko komiatna gitaba ia ja·ku de·aniara ong·achim.
Skill Development-ko niatskagenchimode, ADB-ni loan-chi Meghalaya Skills & Innovation Hub (MSIH)-koba a·doko kulina man·aha.
Ia training on·chakgipa centre-ara technical aro vocational education-ko on·na gitaba dakchakani ong·gen aro iano IT, Cybersecurity, tourism aro a·dokni dal·roroanio nangchakegipa gipin kamrangnaba training-rangko on·gen.
Meghalaya a·doko bilsiantian da·o gita wachini somoirango a·a rurongani aro chi bananirangchi skulrango class ra·anirangko champenga gita ong·rongengani gimin ia project-ni ning·o, skul aro gipin training institute-rango, iandakgipa a·selrangona tarisamsoanirangkoba skie on·na sienga.