SHILLONG: Wachi karini somoio mikka jime waanichi chi bana, a·a ruronga ba uandakgipa a·sel ong·arango sokgipa neng·nikarangko komiatna Chief Minister Conrad K Sangma, dingtang dingtang department-rangko aro organisation-ko tarie dongchina ge·etaha.
State Disaster Management Authority aro gipin department-ni official-rang baksa tom·bimangao, Chief Minister, a·dokni wachi karina tarisamsoanirangko niangaha.
Deputy Chief Minister Prestone Tynsong, Health Minister Ampareen Lyngdoh, Chief Secretary DP Wahlang, IMD, PHE, Health, PWD, Power-ni a·gipi official-rang tom·anio dongpaaha.
Gimik district-rangoni deputy commissioner-rangba video conference gita bak ra·aha.
Wachini somoio a·sel ong·anio duko ga·akgiparangna jolna dakchakaniko on·na jekai dongchakani, cha·ani-ringani ba uandakgiparangko jol on·na man·a gita tarie dongchina ge·etaha.
Uandake Block Disaster Management Committee, Village Disaster Management Committee, Village Executive Committee-rangni dakchakanio bakrime kam ka·aniko niate, Chief Minister, deputy commissioner-rangko village organisation-rang baksa tom·jringe uamangna dakna nanggni kamrangko u·iatchina ge·etaha.
Unbaksana dingtang dingtang rokomni media gita joltangni ku·sikko manderangna u·iataniko on·china aganaha.
Minggipin sorkarini warning system-ko namdapatani bidingoba tom·anio agangrikangaha. A·dokni dingtang dingtang biaprango ong·gipa obostarangko nigrike, jekai- Garo Hills-ni chi bana a·sel, Jaintia Hills-ni a·a ruronga a·sel ba uandakgiparangko niroke sorkari biapni kri kamrangko ka·enga.
Chief Minister, duko ga·akgiparangko dakchakgipa dolrang, bosturangkoba nirokangaha.
Wachi kario rama, chi aro bijolio nangchakea, uni gimin ia sector-rangko name nirokchina ge·etaha. Tarisoaniko bilakatna mock drill-rangko ong·atjringna nanga ineba agankuaha.
