SHILLONG: Education Minister Rakkam A Sangma, North-Eastern Hill University (NEHU)-o so·sojengjeng ong·anina suk ong·gijako parake student, faculty aro administration-ko meligrike tom·tome neng·nikanirangko namgrikatchina mol·molataha. NEHU, ge·sa jakgittelgipa Central University ong·a, a·dok sorkari, university-o ong·enggipa golmalko namatna jotton ka·enga. Chief Minister, Ministry baksa agangrikatenga, mejaomangmangsan Education-ni Union Minister-ko grongaha ine Minister Rakkam aganaha.
Iarangni gisepon Minister Rakkam, university-o golmal ong·aniko chu·gimik nirokna a·dokni choljokgijanirangko ba sima dongako parakatenba sorkari bil ama dipet golmalko tom·tomatna jotton ka·enga ine aganaha.
Indake student-rangko jingjengataniko dontonge academic-o ba poraianio gisik on·china mol·molaha. Iarangni gisepon NEHU-ni gimik stakeholder-rangko apsan ong·e university-o tom·tomaniko donpilna kam ka·china aganataha. Faculty members, departments, student aro NEHU nokdangni pilakkon apsan ong·e kam ka·china didiataha.
A·doko sorkari, Union Ministry baksa meligrike kamrangko ka·enga indiba ia mamlako namatna jolonin ja·pang ja·dilonin jotton ka·chengna nanggen, unosa so·sojengjeng ong·aniko chu·gimik namatna man·gen ineba Minister agandapaha.
