Saturday, June 28, 2025
spot_img

Medical college-na ma·mongonisa tangkarangko on·engani gimin private company-rangna on·na nangani katta dongja: Mukul

Date:

Share post:

spot_imgspot_img

TURA: Medical college-rangko chalaina gita ma·mong sorkarionisa tangka paisarangko chame on·atengani gimin medical college-rangko chalaina private company-rangna on·na nangani katta dongja ine Opposition dolni dilgipa aro a·dokni gitcham Chief Minister Dr Mukul Sangma parakataha.

Sangma-ni aganani gitade, Meghalaya a·doko an·seng baljokani kamrango private company-rangko bak ong·atna nangani katta nakatkujaengani gimin medical college-ko a·dok sorkari an·tangan chalaina nangenga.

Tura Medical College-ko Private-Public Partnership (PPP) mode-o chalaina gita a·dok sorkarini tik ka·engani gimin Opposition dolni dilgipaba iako jegalataha.

Iana skang, Garo Hills-ni dingtang dingtang dolrang aro manderangba, medical college-ko PPP mode-o chalaina gita college-ni administration-ko private company-na on·na tik ka·engani gimin raken jegalgrimtokahachim.

Tura Medical College-ko private company-sa chalaigenchimode ian jolni manderangna maming namgnirang dongjawaha ine iako dingtang dingtang dolrang raken jegaltokenga.

“Health sector-o da·o dipet Meghalaya a·dokoba private company-rangko bak ong·atna nangkujaengani gimin medical college-ko a·dok sorkari an·tangan chalaina nanga,” ine Sangma aganaha.

Sangma-ni aganani gitade, medical college-rangna ma·mong sorkarisa tangka paisarangko on·engani gimin medical college-rangko chalaina private company-na on·aniara kraaniba ong·ja.

“Health sector-ode doctor-rang, specialist-rang, super specialist-rang aro health education-ko man·chape sanna banani pilak kamrangan sorkarini jakosa ong·a aro iani giminsa ma·mong sorkari, medical college donggijagipa a·dokrangna dingtangmancha central pool-ni ning·o tangka paisarangko dakchake on·enga,” ine Sangma aganaha.

Je a·dokrangon medical college-rangko nangenga, uandakgipa pilak a·dokrangnan ma·mong sorkari nangani kri dakchakanirangko on·enga ineba ua aganaha.

“A·dokode medical college-rangko kulina tangka paisarang dongja aro iani giminsa chinga skangoba cholrang dongjani gimin private company-rangchi medical college-rangko kulina cholrangko niachim. Indake ong·genchimoba private company-rangchi chalaianio namgijanirangko nike chinga private company-rangna on·na miksonganiko donpilaiaha,” ine Opposition dolni dilgipa aganaha.

Skangode a·dokrango medical college-rangko kulina tangka paisarang dongjachim indiba da·ode ma·mong sorkarian nangana batpile dakchakanirangko on·engaha ineba ua aganaha.

“Iandakgipa mingsa project-ko matchotchengesa ja·mano gipin project-rangkoba ra·dapechina India sorkari talen aganmanaha. Gipin a·dokrangba iandakesa indakgipa project-rangko man·dapdapenga. Assam aro Tripura-ko niatbo maikai uamang kamrangko ka·enga. West Bengal-ba indakgipa cholrangko ra·en namroro silrorona man·enga. Uni gimin Meghalaya-ba iano ja·manchakna nangja,” ine Sangma aganaha.

spot_imgspot_img

Related articles

Death of 5 tigers: Two arrested for poisoning big cats in revenge for cow’s killing

Bengaluru, June 28: The Forest and Police authorities have cracked the sensational case involving the death of a...

Meghalaya set to get back five villages from Assam

Border pact with Assam by August 15, says Paul Lyngdoh SHILLONG, June 27: The state government said that five...

Forced to do menial work, 2 HNLC cadres surrender

SHILLONG, June 27: Two cadres of the proscribed Hynniewtrep National Liberation Council (HNLC)— Dibarius Jyrwa (32) and Ridor...

MRSSA more potent than ILP in checking influx, says paul

SHILLONG, June 27: With pressure groups time and again raising the demand for inner line permit in Meghalaya,...