SHILLONG: 2023 bilsini August jao a·bachengatgipa Chief Minister’s (CM) Solar Power Mission-ni kamrang da·o dipet ka·sinengkua aro da·osa tender-ni kamrang ong·kuenga ine kobor on·aha.
“CM Solar mission-na da·o chinga tender-ko on·kuengpiti aro mitam kamrangkode chinga on·manaha. Ian da·o dipet a·bachengmitingsan ong·kuenga,” ine department official-rang parakataha.
CM Solar Power Mission-ko 2023 bilsini August jao, a·dokni Chief Minister Conrad K Sangma a·bachengate on·ahachim ine nikna man·a.
Road Map-ni gimin janapatengon, “Chinga ia scheme-ni ning·o chol ong·batsranggijagipa manderangna nisan ka·enga aro je biaprangon, a·arang ga·nangjani a·sel aro biaprang diltuani a·sel bijolirangko man·jaengachim, uandakgipa biaprangna miksongenga. Chingni nisanrang donga aro ian jakkaltaina man·gipa cholo pangchakenga,” ine department official-rang aganaha.
Iandakgipa biaprang pilakan sandimanaha aro committee-rang wa·reng salmanaha ineba official-rang aganaha.
Ia project-ni bidingo talataniko on·angkuengon, “Chinga a·ja ge·antinan deputy commissioner-rangni dilanichi district level committee-rangko songenga aro block level committee-rangkoba nirokna gita songenga maina saobarangde tender-ko man·e solar power-rangko songnaba gnang indiba ia pilakkon block level-o nirokna nanggen,” ine official-rang parakataha.
Project-ko jako ra·e ka·na sienggipa agency-rangni gimin janapatskaengon, ia kamko MGNREGA-ni gita manderangna on·gen aro uamang an·tangtangan nirok sandianggen ine official-rang aganaha.