SHILLONG: Union Finance Minister Nirmala Sitharaman, salgittamna Meghalaya a·dokona re·baenga aro ua Bristibar salo, Shillong songjinmani skanggipa Modern Shopping Mall-ko Polo-o nokdonggae on·anggen.
Polo-o rikgipa Shillong-ni skanggipa Modern Shopping Mall-ko rikanirang matchotmanaha aro da·o ia shopping mall-ko kulina tarimanaha.
Ia Polo Shopping Mall-ko Shillong Smart City Project-ni ning·o gong kror 85 korosrangchi Badri Rai Company rikaha aro ia shopping mall-ni apalaniara square feet lakh 1.5 ong·a.
Ia gadangdok donggipa shopping mall-o dam 90 dokkanrang donggen aro iako garirangko donchakani biaprangba donggen.
Ia shopping mall-o dam 12 escalator, dam 5 lift-rang, food court, EV charging station-rang, bongagipa aro dokgipa gadango office-rang aro bi·sarangni biaprangba donggen.