SHILLONG: East Jaintia Hills district-ni Sonapur, Ratacherra-o donggipa Jaintia Hills Autonomous District Council JHADCE-ni Weighbridge cum Forest Check Point-ni bidingo, JHADC-oni talate on·ani ja·mano Hynniewtrep Integrated Territorial Organisation (HITO) kattarangko dingtang dingtang dake aganani bidingo sing·doangaha.
Weighbridge-ko Council-oni chalaienga ine JHADC-ni Executive Committee-ni Secretary adita salrangna skango aganengon, Council-ni Forest Department-ni HITO-ni RTI ka·gipaode, Council-o maming weighbridge-rangko chalaija ine dingtang dingtang dake aganchakaha inenba HITO-ni General Secretary, Wanbun Dkhar aganaha.
Unomitingo, ia bilsini Council budget-o gitade, Mookyndur, Sonapur aro Dawki-o damgittam weighbridge-rang donganiko nika ine HITO dilgipa aganaha.
Indakeba nikatna man·a je, check gate-oniko Council tangka-paisarangko man·enga, indake Council-ni tangka-paisa man·anirangko niatgenchimode, Council-o tangka paisarangko jakkalsretenga ine ma·siatna man·enga, Dkhar aganaha.
HITO indakeba aganaha je, Control of National Highway Land and Traffic Act 2022-o ra·gatgimin niamo gitade ia Check Point-rangko Highway jolo chalaina JHADC, Ministry of Road Transport and Highway-oniko (MoRTH) NOC ba hukumko ra·jaha, unigimin ia Check Point-rangko dontongatna nanga ine aganaha.
HITO-ni matnange aganani gitade, Weighbridge cum Forest cum Check Point-rangko chalaina gita gipinrangna on·enga aro JHADC-ni executive committee, basako ia Weighbride cum Forest cum Check Point-rangko chalaina gita Sevenborn Tang-ko kamo rakkiaha, uko talatna nanga ine Organisation dabiangaha.
JHADC-ni weighbridge-rangko chalaianio tangka jakkalsretenga: HITO
Date:
Share post:
