SHILLONG: Shillong Medical College (SMC)-o 2025–2026-ni academice session-ko a·bachengna gita Meghalaya sorkari, National Medical Council (NMC)-oniko No Objection Certificate (NOC)-na sengenga.
Academic session-ko somoi gita a·bachengna man·na gita kam ka·soanirang chu·sokangengaha aro ia college-o Associate Professor-ni kamrangko ka·na gita sak 15-16 sorkari doctor-rangkoba seokman·aha ine A·dokni Health Minister Ampareen Lyngdoh parakaha.
Indake skanggipa MBBS batch-ko a·bachengatna gita da·o 7 percent-ni NCM-ni faculty-kosan nangaiengjok, unomitingo NOC-ko man·na gita chu·onga gita faculty-ko man·ani mongsonggipa ong·a ineba Lyngdoh aganaha.
Unomitingo, gipin a·dokrangko niatgenchimode, faculty-ko man·anio Meghalaya-an altubatgipa ba nambatgipa gadango ong·gen ineba Health Minister, uni ka·donganiko parakaha.
Indake ong·engon, SMC-o Associate Professor ong·e dangdike on·nasienggiparangna official quarter-rangko on·ani giminba sorkari kamrangko ka·enga ine Health Minister aganaha.
Unaskang, sorkari college dean-ni dilanio sak 15-member Shillong Medical College Council-ko songahachim.
