KHARKUTTA: North Garo Hills a·jani Kharkutta jolo rim·gittanga man·a ine chanchichipenggipa bilsi 6-ni me·chik bi·sako police-rang, songni manderang baksa sandienga indiba da·o dipet me·chik bi·sako aro uko rim·gittanganga ine chanchichipenggipa mandekoba man·kujaenga.
Ia me·chik bi·sa, re·anggipa July 19 tarik Sonibar sal dipet, uni nok sambaonin gimaengachim.
Koborko on·ani gitade, ia me·chik bi·sako Sonibar pring 11:00 bajimango, uni nok mikkangon bon·kame nikaha aro uni ja·man, ia me·chik bi·sako mande saksa tol·e rim·angaha ine chanchichipenga. Ia mandeko me·chik bi·sani ma·drangrang ma·siaha aro police-rango mokordomako segataha ineba u·iataha.
Ia me·chik bi·sako rim·gittanganggipa biapara namen buring dikbegipa biap ong·e, ia me·chik bi·sako aro uko rim·gittanganga ine chanchichipenggipa mandekoba man·kujaenga ine u·iataha.
“Chinga ia me·chik bi·sako aro uko rim·gittanganga ine potchipenggipa mandekoba sandikuenga indiba da·o dipet uamang sakgnikon man·kujaenga. Ia me·chik maming a·sel gri namen dongenga ine chinga ka·dongenga. Ia me·chik bi·sa gimaangaonin chinga songni manderang baksa uamangko sandienga indiba biaprang namen ga·nangja aro buring dikani a·selo neng·nikanirangko man·enga. Chinga uamangko sandina gita Shillong aro Tura-oniko drone-rangko bi·ataha aro uni ja·mansa chinga uamangko man·naba gnang,” ine North Garo Hills a·jani Superintendent of Police (SP) Swapnil Pawar parakataha.