TURA: Re·baenggipa August-ni 15 tariko Meghalaya a·dokni dingtang dingtang biaprango a·songni Independence Day ba jakgitelani salko manidilna aro nisanrangko badale on·na gita Meghalaya sorkari, dingtangmancha dilgiparangko sualataha.
Sorkari official-rangni u·iatani gitade, Meghalaya a·dokni skotong Shillong songjinmao a·dokni Chief Minister Conrad K Sangma, mongsonggipa sokgipa ong·e a·songni nisanko badale on·anggen aro Tura-o a·dokni Deputy Chief Minister Sniawbhalang Dhar, mongsonggipa sokgipa ong·e bakko ra·angskagen.
Jowai-o a·dokni Cabinet Minister Kyrmen Shylla, a·songni nisanko badale on·anggen aro Resubelpara-o a·dokni Cabinet Minister Abu Taher Mondal, badale on·angskagen.
Williamnagar-o Minister Marcuise N Marak aro Mairang-o a·dokni Minister Alexander Laloo Hek bakko ra·angskagen.
Mawkyrwat-o Cabinet Minister Comingone Ymbon bakko ra·anggen aro Ampati-o Assembly-ni Deputy Speaker Timothy D Shira bak ra·angskagen.
Nongstoin-o Cabinet Minister Mazel Ampareen Lyngdong a·songni nisanko badale on·anggen aro Khliehriat-o Cabinet Minister Shakliar Warjri badale on·angskagen.
Baghmara-o Kharkutta MLA Rupert Momin, mongsonggipa sokgipa ong·e bakko ra·anggen aro Nongpoh-o a·dokni Cabinet Minister Paul Lyngdoh, bak ra·angskagen.
Una agreba Sohra Civil Sub-Division-o MLA Gavin Miguel Mylliem, Amlarem-o MLA Lakhmen Rymbui, Dadenggre-o Marthon J Sangma, Pynursla-o Charles Marngar, Chokpot-o Sengchim N Sangma, Raksamgre-o Limison D Sangma, Mawshynrut-o Remington G Momin, Ranikor-o Celestine Lyngdoh, Patharkhmah-o Mayralborn Syiem, Jengjal-o Pongseng Marak, Dalu-o MLA Brening A Sangma aro Hima Shangpung (Laskein C&RD Block)-o MLA Santa Mary Shylla, mongsonggipa sokgipa ong·e bakko ra·anggen ine u·iataha.