TURA: Garo Hills Autonomous District Council (GHADC)-o kam ka·giparang, ja 43-ni dormaharangko man·kujaengani gimin kamrangko dontongate jingjengatani mijal Sombar salo sal 40 gapaha aro ia salni bako Garo Hills-ni dingtang dingtang dolrang, jekai GSU, FKJGP, ADE, AYWO aro FAF dolrangba, Non Gazetted Employees Association (NGEA)-ni jingjengatanio bakrimaniko on·eaha.
Iana skang, GHADC-o kam ka·giparangna bakrimaniko mesokna gita NGO-rang, Tura jillani dingtang dingtang biaprango jinma re·jomaniko ong·atangchengaha aro William Point-o sokeani ja·man, kam ka·giparangni jingjengatanio bak ra·angpaaha.
Sombar attamo, GSU-ni president Tengsak G Momin-ni dilanichi, GHADC-o kam ka·giparang, jinma GHADC office-ona napdraangaha aro Mongolbar salonide GHADC office-on jingjengatskana tik ka·angaha.
GHADC office-ona napdraangengmiting somoio GHADC-o kam ka·giparangko aro NGO-rangko chel·chakgipa sipai dolrang champengna jotton ka·ahachim.
Sombar salni bakosan NGEA-ni dilgiparangko GHADC-ni Executive Committee, grongna okamatenba, jabrini dormaha baksana iana skang on·na ku·rachakgipa jasani dormahakoba on·na ku·rachakahachim indiba GHADC-o kam ka·giparang, chu·gimik ja 43-ni dormaharangkon on·china dabitokskaengahani gimin EC-ni on·na ku·rachakgipa jabrini dormaharangko ra·chakna jechaktokaha.
“Chinga a·bachengode bilsisani dormaharangkosan on·sochengchina dabiaiachim indiba chingni dabianirangko knachakna gisiko nangjahani gimin da·o chingni man·na nangenggipa chu·gimik ja 43-ni dormaharangkon on·china chinga dabiskaengaha. Chingna chu·gimik ja 43-ni dormaharangko on·jaskalde chingni jingjengataniko dontongjawa,” ine NGEA-ni president Brithen M Sangma parakataha.
Ia tom·bimonganiko ong·atanio, dingtang dingtang dolni dilgiparangba aganprakengon, GHADC-o kam ka·enggiparangni man·na nangkuenggipa dormaharangko on·china NPP-chi dilenggipa EC aro a·dok sorkario dabiangtokaha.
Iana skang, GHADC-o kam ka·giparangna bakrimaniko mesokna gita NGO-rang, Tura jillani dingtang dingtang biaprango jinma re·jomaniko ong·atangchengaha aro William Point-o sokeani ja·man, kam ka·giparangni jingjengatanio bak ra·angpaaha.
Sombar attamo, GSU-ni president Tengsak G Momin-ni dilanichi, GHADC-o kam ka·giparang, jinma GHADC office-ona napdraangaha aro Mongolbar salonide GHADC office-on jingjengatskana tik ka·angaha.
GHADC office-ona napdraangengmiting somoio GHADC-o kam ka·giparangko aro NGO-rangko chel·chakgipa sipai dolrang champengna jotton ka·ahachim.
Sombar salni bakosan NGEA-ni dilgiparangko GHADC-ni Executive Committee, grongna okamatenba, jabrini dormaha baksana iana skang on·na ku·rachakgipa jasani dormahakoba on·na ku·rachakahachim indiba GHADC-o kam ka·giparang, chu·gimik ja 43-ni dormaharangkon on·china dabitokskaengahani gimin EC-ni on·na ku·rachakgipa jabrini dormaharangko ra·chakna jechaktokaha.
“Chinga a·bachengode bilsisani dormaharangkosan on·sochengchina dabiaiachim indiba chingni dabianirangko knachakna gisiko nangjahani gimin da·o chingni man·na nangenggipa chu·gimik ja 43-ni dormaharangkon on·china chinga dabiskaengaha. Chingna chu·gimik ja 43-ni dormaharangko on·jaskalde chingni jingjengataniko dontongjawa,” ine NGEA-ni president Brithen M Sangma parakataha.
Ia tom·bimonganiko ong·atanio, dingtang dingtang dolni dilgiparangba aganprakengon, GHADC-o kam ka·enggiparangni man·na nangkuenggipa dormaharangko on·china NPP-chi dilenggipa EC aro a·dok sorkario dabiangtokaha.