TURA: Chief Minister’s Career Guidance & Counselling Scheme-ni ning·o Career Guidance & Counselling Program-ko ong·atna siengani gimin Mongolbar salo, West Garo Hills a·jani District Administration, dingtangmancha Orientation Program-ko Tura-ni District Auditorium-o ong·atangaha.
Ia program-ko ong·atani miksonganiara, chatro chatrirangko dingtang dingtang competitive exam-rango name dakna man·na gita tarisamsoanian ong·enga.
Ia antidokna ong·atenggipa coaching program-ko re·baenggipa September 1 tarikoni, Tura-ni Pechon Memorial Higher Secondary School-o a·bachengatgen aro ia program-o bak ra·enggipa chatro chatrirangni namgnina session-ko pring attam dake dingtang dingtang ong·atanggen.
Ia coaching program-o DSC, MPSC, SSC, Banking, CUET aro CLAT-ko man·chape dingtang dingtang porikkarangko sena gita chatro chatrirangna skie on·anggen aro ia program-o T.I.M.E Institute-ni sakchet skigiparang, skie on·anggen.
Ia coaching-na orientation program-ko ong·atanio, dingtang dingtang skul, college aro university-rangoni sak 600-na baten chatro chatrirang bak ra·angtokaha aro unbaksana dingtang dingtang competitive exam-rangko sena tarisoenggipa chatro chatrirangba bak ra·angtokaha.
Ia orientation program-ko ong·atanio, West Garo Hills a·jani Additional Deputy Commissioner Florina Boro, Education department-ni Nodal Officer Brijesh Arengh, TIME Institute-ni Director Dr Soumen Das, TIME Institute-ni Tutor Jayanta Nath aro gipin official-rangba dongpae bak ra·angtokaha.
Ia coaching program-ko Class X-oni a·bachenge graduate ong·gimin chatro chatrirangna ong·atenga aro ia program-o bak ra·na gita online ba offline register ka·na man·gen.
Offline registration form-rangko BDO-ni office-rangoniko aro West Garo Hills DC office-onikoba ra·na man·gen.
Tura-o Career Guidance & Counselling-na Orientation Program-ko ong·ata
Date:
Share post:
