Shillong: A·palchini napdrabagipa manderangna, a·doko napena gita altubegen ine aganenba, Meghalaya-ni Khasi-Jaintia a·jolrangona railway ra·baaniko jegalsotokengon, Garo Hills-ni Mendipathar-ona mal-bosturangko salruragipa rel gariko nangchongmotenga, mal-bostu salruragipa rel gari gride Garo Hills-o railway dongeba chu·gimik namgniko man·na amjawa ine Tura MP Saleng A Sangma Sombaro aganaha.
Meghalaya North Garo Hills-ni Mendipathar-o ge·sa mangmang donggipa a·dokni skanggipa railway station-ko batanggimin November 2014 bilsio a·bachengate on·aha, jeon da·omitingo mande salruragipa rel gari bolgnisan Mendipathar-Guwahati-ona salruraenga.
Railway dongode, a·palchini manderang a·dokona napdrabana altugen ine jajrengchakenba, Inner Line Permit (ILP)-ko ra·gatchenggijade Khasi-Jaintia Hills-ona railway ra·bana man·jawa ine Khasi Hills-ni Bynihat-ona rel gari ra·bana am·aniko Khasi-Jaintia Hills-ni dingtang dingtang dolrang jegalsotokenga.
North Garo Hills-ni Mendipathar-ona bostu salruragipa rel garirangko watchina gita ua, Prime Minister Narendra Modi aro Railway Minister Ashwini Vaishnaw baksa golpoman·aha, aro uni mol·molaniko nirokatgen ine uamang ku·rachakaha ine Tura MP aganaha.
‘‘Mendipathar-oni bostu salruragipa rel garirang dongjaode, railway-ni chu·gimik mangnikode Garo Hills man·jawa’ ine Sangma, koborni manderangna aganaha.
Unomitingo, Jengjal ba ua gita Garo Hills-ni gipin biaprangona ta·raken rel garirangko sokatangna nanga inede aganjaha indiba naljokani baksa Mendipathar-ko a·songni kona-noksikona nangdimatna nanga ineba Tura MP aganaha.
Garo Hills-o man·gipa pala-botani bosturangni bidingo aganengon, ‘‘an·chingo bosturangko salruragipa rel garirangan dongjaode, an·chingo man·gipa bosturangko an·ching maidake banona watatgen aro palgen? Garo Hills-o sam bringijagipa bosturangkon man·engani gimin, uarangko gipin a·dokrangona palatna man·gen,’’ Sangma aganaha.
Meghalaya North Garo Hills-ni Mendipathar-o ge·sa mangmang donggipa a·dokni skanggipa railway station-ko batanggimin November 2014 bilsio a·bachengate on·aha, jeon da·omitingo mande salruragipa rel gari bolgnisan Mendipathar-Guwahati-ona salruraenga.
Railway dongode, a·palchini manderang a·dokona napdrabana altugen ine jajrengchakenba, Inner Line Permit (ILP)-ko ra·gatchenggijade Khasi-Jaintia Hills-ona railway ra·bana man·jawa ine Khasi Hills-ni Bynihat-ona rel gari ra·bana am·aniko Khasi-Jaintia Hills-ni dingtang dingtang dolrang jegalsotokenga.
North Garo Hills-ni Mendipathar-ona bostu salruragipa rel garirangko watchina gita ua, Prime Minister Narendra Modi aro Railway Minister Ashwini Vaishnaw baksa golpoman·aha, aro uni mol·molaniko nirokatgen ine uamang ku·rachakaha ine Tura MP aganaha.
‘‘Mendipathar-oni bostu salruragipa rel garirang dongjaode, railway-ni chu·gimik mangnikode Garo Hills man·jawa’ ine Sangma, koborni manderangna aganaha.
Unomitingo, Jengjal ba ua gita Garo Hills-ni gipin biaprangona ta·raken rel garirangko sokatangna nanga inede aganjaha indiba naljokani baksa Mendipathar-ko a·songni kona-noksikona nangdimatna nanga ineba Tura MP aganaha.
Garo Hills-o man·gipa pala-botani bosturangni bidingo aganengon, ‘‘an·chingo bosturangko salruragipa rel garirangan dongjaode, an·chingo man·gipa bosturangko an·ching maidake banona watatgen aro palgen? Garo Hills-o sam bringijagipa bosturangkon man·engani gimin, uarangko gipin a·dokrangona palatna man·gen,’’ Sangma aganaha.