TURA: Meghalaya a·doko drugs ba pekatgipa samrangko jakkalanirang batroroengani gimin Drug Reduction Elimination & Action Mission (DREAM) program-chi, kamrangko ka·ani bidingo chanchirimna gita Sukrobar salo DREAM-ni Mission Director F Kharshiing-ni dilanichi, tom·aniko West Garo Hills a·jani Superintendent of Police (SP) office-o ong·atangaha.
Ia tom·anio, West Garo Hills a·jani SP Abraham T Sangma, Deputy Inspector General (DIG) Jerry FK Marak, MCS officer Asish Koch, dingtang dingtang department-ni official-rang, gittimko dilgiparang aro dingtang dingtang dolni dilgiparangba bak ra·angtokaha.
Ia tom·anio, dingtang dingtang dilgiparang aro official-rang apsan chanchirimengon, Garo Hills-oba pekatgipa samrangko jakkalanirang batroroengani gimin iandakgipa kamrangko champengna bakrime kamrangko ka·ani bidingo aro kolgapgijanirangko kolgapatani gimin chanchiangaha.
Ia tom·anio DREAM-ni Mission Director, jinmana agan-talataniko on·angengon, sam jakkalgipa manderangna simsak nirokaniko on·ani aro dingtang dingtang kamrangni bidingo u·iatgrikna gita songni dilgiparang baksa Whataspp community network-ko kuliaha ine parakataha.
Pekatgipa sam jakkalaniko warachakanio, chadambe dolrang, me·chik dolrang aro dingtang dingtang toromni institute-rang baksa kamrangko ka·na nangani giminba ia tom·anio chanchirimangaha.
Toromko aro songko nokko dilgiparang baksa bakrime kamrangko ka·anichi, songadam nokadamrango manderangna drugs jakkalani namgijanirangko nambate talatanirangko on·na man·aha ineba ia tom·anio dingtang dingtang dilgiparang parakangaha.
DREAM program-ni ning·o, sam jakkale nampilangenggipa manderangna, dingtang dingtang kamrang, jekai chi pipe-rangko tariani, bijoli tariani, song·a channani aro uandakgipa kamrangni gimin skie on·na gita vocational training program-rangko a·bachengataha ineba ia tom·anio official-rang talate on·angaha.
‘DREAM Calendar’ aro QR code system-rango pangchake dingtang dingtang ja·ku de·ani giminba ia tom·anio jinma chanchirimangaha.
DREAM program-chi drug jakkalaniko warachakani bidingo chanchirima
Date:
Share post:
