SHILLONG: Sonibar salo Voice of the People Party (VPP), Education Minister Lakhmen Rynbui-ni kosako matnangataha, teacher-rangko gimaatna baseanichi court-ni niamrangko ra·gatanina uko matnangataha.
Ian aiao inmanani aro ka·dingani gita ong·pilaha, jeon minister party president Ardent Miller Basaiawmoit-na Teacher Eligibility Test (TET)-o Supreme Court-ni chanchianiko poraina uni sunglass-ko oke galchina aganangaha, ine VPP dilgipa Batskhem Myrboh aganaha.
TET-o court-ni ge·etani baksa drae maina ja·rikenga iine ua minister-ko sing·doangaha, 2022 bilsio chanchiani gitade UGC scale-ko man·a kragipa college teacher-rangna allowance-rangko on·a Supreme Court-ni skango chanchigipako maina chu·sokatjaenga ine sing·doangaha.
Jensalo uamangni kosako indakgipa ja·ku de·na kraa unon sorkari teacher-rangko sinjetna court-ni niamrangko jakkalenga ine Myrboh matnangataha, jeon uamangna namgni ong·gen ine nike uamang chanchianirangko dal·e ra·jaenga. Mamlani bidingo manderangko minister dilsretenga ineba ua matnangataha.
Meghalaya Teacher Eligibility Test (MTET)-ko poraia matchotchina ge·etanichi teacher-rangko a·dok sorkari sinjetaniko on·enga ien Basaiawmoit-ni matnanganina Rymbui-ni matsramgipa kattarangchi aganchakani ja·man indakgipa matnanganirang sokbaaha. Kakketko ma·sijaenganina VPP-ni chief-ko matnangataha aro rakgen jegalani katta ine minister aganangaha.
Right of Children to Free and Compulsory Education Act, 2009-ni ning·o TET-ko matchotna nangtelgipa dake ra·aha aro 2025 bilsini September 1 tariko Supreme Court-ni sason ka·anganichi ra·gataha ine Rymbui aganaha.
Gisim rongni sunglass-ko gananichi Basaiawmoit-ni nianiko ua agandapangaha jeon ua kakketko niangaoniko uko champengenga ine ua agandapangaha.
