SHILLONG: North East NSS Festival 2026-ko “Viksit Bharat-na chadamberangko bilakdapatna” ia pangchakannio University of Science & Technology Meghalaya (USTM)-ni gita ong·atgipako sa·alo matchotataha. Ia programme-ko sal 5-na USTM campus-o ong·atao community service, cultural exchange aro chadamberangko bildakpanio agangrikangaha.
Festival-o salgro salaram a·dok gimikoni NSS volunteer-rang aro programme officer-rang-ko apsan ong·atna rimbaaha, dilgipa ong·aniko namroroatna, a·songko tang.doatna aro cha·tote nikaoniko skie ra·angna namgipa cholko ong·katataha. Festival-ko dingtang dingtang jatrangchi re·jomaniko dakanichi oprakaniko dal·bee maniangaha aro USTM-ni Chancellor, Shri Mahbubul Hoque, gitcham Assam Chief Secretary Shri Kumar Sanjay Krishna, IAS, aro Mr Zikrul Hasan Fahad, Assistant High Commissioner & Head of Mission, Bangladesh, nisanko ra·onanio dongpaaha.
Festival gimiko namroroaniko dal·roroatna apalabate kam ka·anirango bak ra·angaha. Mongsonggipa pangchakanirango technical session-rang aro agangrikanirangko dakangaha, jeon manderangni dakna nanggni daito, a·songko tang·doatna, sustainable-ko namroroatna aro digital awareness-koba agangrikao man·chapataha. Session-rang jekai “The Invisible Thread: From Personal Success to Civic Duty,” “Jongada bakrime a·songko rikna,” aro “mikkangchina digital-o re·mikkangna ” iarangni bidingo chanchianichi songsalo kam ka·na nangannio aro daito ra·anio chadamberangko role-o ning·tubate gamchatgipako on·angaha.
Skigiparangara, Shri Ashish, IPS; Shri Gameliel L.C. Mylliem, MCS; Dr. (Mrs.) Vanessa Kharmawphlang, Prof. Binod Kumar Tripathi, Shri Nakul Chandra Deori, aro Shri Jangilong uamangni bak ra·anganichi aro session-rango chanchidilanganina festival-ni ning·tuanina on·gilangpaaha.
Ri-Bhoi-ni Jorbil-o village outreach programme-ko fesitval-ni mongsonggipako talatangaha jeon joltang community baksa volunteer-rang gisiko nange bakko ra·angaha. Dingtang dingtang ja·kurangko de·angaha jekai Swachh Bharat-ni ning·o rongtal-antalataniko dakangaha, songsalo neng·nikgipa mamlarango sinjetaniko man·anio community-o pangchake survey-ko dakaha aro songsalni daito-ko talate on·aha.
Ia kamrang “Anga ong·ja indiba na·asa” NSS-ni mongsonggipa chanchiako kamchi mesokaha, an·tangna bate kamko dal·e ra·ani ine talataha.
Umiam Lake-ona wenbaanichi cha·totaniko skie ra·angaha samtangtango dongenggiparangko festival tang·doataha jeon bak ra·giparang kamrangko ka·aha jekai jabol galgiparangko chimonge galaha aro samtangtango dongenggiparangni gamchatani bidingo u·iataniko on·angaha. Festival-ni somoio dingtanga dingtang dakgipa susaanirangko ong·ataha jekai a·songtangna ring·gipa git ring·susaani, jatni chrok susaani, dakmesokanirang aro dingtangtegipa State Team Dance-ko ong·ataha, cross cultural-ko ong·ataha aro bak ra·giparangni gisepgriko ku·cholsan ong·na didianiko man·aha.
