SHILLONG: Meghalaya a·dokoba Bharatiya Janata Party (BJP)-ko mangrakbatatna miksonganirang dongani gimin da·o ong·atna sienggipa Shillong Lok Sabha by-election aro 2028 bilsini Meghalaya Legislative Assembly election-oba gipin political party-rang baksa bakrimgija, doltangari susana miksongenga ine u·iataha.
Meghalaya a·doko BJP dal·rorona man·jaenga ine agananiko jegalatengon, ia party a·bachengode MP sakgnisan dongaiachim indiba da·ode badita sak MP-rang dongaha ine Sombar salo, BJP Meghalaya-ni dilgiparang, chong·motan M Kharkrang aro AL Hek parakataha.
“Chinga party-ni membor-rangko sak 10 batatna miksongengani gimin election-rangoba doltangari susaaignok,” ine Hek aganaha.
Shillong Parliamentary by-election-o susana gita BJP, baditaba sak manderangni dorgastorangko man·soaha aro ia by-election-na candidate-ko tik ka·manahaon, bilakbate kamrangko ka·na a·bachenggnok ine Kharkrang aganskaaha.
Shillong Lok Sabha by-election-o susana gita Ernest Mawrie-ko man·chape sak 4 ba sakbonga candidate-rang, BJP-ni tikitna nisengengachim ine nikna man·a.
Election-na tarisamsoanirangko sing·on, kam ka·ani krisa BJP, election-o chu·sokgipa ong·na man·aigen ine Kharkrang parakataha.
Assam-o bilsi 10-na sorkariko chalaiani ja·manba ia bilsini Assembly election-o BJP, bang·bate seat-rangko man·aha ine toe janapatengon, “Changsa BJP bilona re·baahaode, gipin party-rang sokchakrikjawaha,” ine Kharkrang aganaha.
Shillong LS by-election, 2028 election-o doltangari susaaigen: BJP
Date:
Share post:
