AMPATI: Chief Minister’s Rural Infrastructure Scheme (CMRIS)-ko chu·sokatani bidingo chanchirimna gita Mongolbar salo, South West Garo Hills District Level Committee-ni tom·aniko Ampati DC Office Building-ni DRDA Conference Hall-o ong·ataha aro ia tom·aniko Rangsakona-ni MLA aro Committee-ni Chairman Subir M Marak dilangaha.
Ia tom·anio, South West Garo Hills a·jani Deputy Commissioner Anendya Raajsshre, DRDA-ni Project Director, Zikzak, Rerapara, Betasing aro Purakhasia Block-ni BDO-rang, PWD (Roads), PHE aro DRDA-ni Executive Engineer-rang, District Agriculture Officer, Divisional School Education Officer, DCIC-ni General Manager aro gipin official-rangba dongpae bak ra·angtokaha.
Ia tom·aniko dilangengon, South West Garo Hills a·jani dingtang dingtang songni nokni rama jal·langrangko namdapatna, manderangni jakkalgipa biaprangko taridapna, skie on·chakram nokrangko taridapna aro songni nokni manderangna janggi tangani cholrangko on·na ia CMRIS-ko ra·gataha ine Rangsakona MLA parakataha. Scheme-ni kamrangko somoi gita matchotatna, dingtang dingtang department-ni gisepo nangrime kamrangko ka·na aro kamrangko name chu·sokatna gitaba Marak, ku·monganiko on·angaha.
Ia tom·anio, South West Garo Hills a·jani Deputy Commissioner aro gipin official-rangba aganprakengon, ia scheme-ni kamrangko chu·sokatanio parak ong·ani dongna nangani gimin aro kamrangko name chu·sokatna nangani gimin aganangaha.
South West Garo Hills a·jani songadam nokadamrango donggipa manderangni namgnina on·enggipa dingtang dingtang kamrangko name chu·sokatna kamrangko ta·raken ka·china gitaba ia tom·anio dingtang dingtang department-rangna ge·etaniko on·angaha.
