SHILLONG: ICAR Research Complex for NEH Region, Umiam-ni MS Swaminathan Hall-o mija Sukrobaro mingsa programko ong·atao, ICAR Research Complex for NEH Region, Umiam, sak 172 Casual Labourers of Temporary Status (CLTS)-ko parmanent dakataha.
Koborogita, parmanent appointment letter-rangko man·gipa sak 172-oni, sak 83-de Meghalayaoni (KVK Turao sak 4 aro Umiamo sak 79) ong·a, Tripura-oni sak 31, Sikkim-oni sak 12, Arunachal Pradesh-oni sak 13, Manipur-oni sak 14, Nagaland-oni sak 15 aro Mizoram-oni sakbri.
“CLTS-rangni ru·uta somoionin dabienggipa ong·achim, jeon uamangoni mitamde 80 jolonin hajira hisape ka·giparang ong·achim, jemangkon da·o skilled support staff-rang dake appoint ka·aha indake ong·engon, casual labourer-rangde bang·achim indiba ICAR Research Complex for NEH Region-o chu·ongagita chamatgipa postrang dongjani gimin 1993 bilsioni ka·bagiparangkode temporary status-o donataha, indiba uamangba da·ode provident fund-ni namgniko man·skagnok,” koboro janapaha.
