SHILLONG: Meghalaya a·dokni damgittam Assembly constituency-rango by-election-ko re·baenggipa October jani 30 tariko ong·atna siengon, ia by-election damgittamoni damgnio susana gitade National People’s Party (NPP)-ni candidate sakgniko Mongolbar salo parakataha.
NPP-ni state president WR Kharlukhi-ni parakatani gitade, Rajabala by-election-o susana gita gitcham MLA Abdus Saleh-ko NPP-ni candidate-na seokaha aro Mawryngkneng Assembly by-election-nade Pyniaid Sing Syiem-ko seokskaaha.
Mawphlang Assembly by-election-oba NPP susagen aro iana candidate-ko seokani bidingo da·o NPP-ni dilgiparang chanchiengkua ineba Kharlukhi parakataha.
A·dokni damgittam Assembly by-election-rangon NPP chegipa ong·gen ineba NPP-ni state president, an·tangni ka·dongchakenganiko parakataha.
Ia damgittam by-election-ko October 30 tariko ong·atenba, result-ko November 11 tariko parakskana siengachim.
